என் மன வானில்...........

தூக்கமின்மை பிரச்னைகளுக்கான தீர்வுகள்

2012-02-02T12:12:00.000-05:00

இரவுத் தூக்கம் நிம்மதியாக இருந்தால் உடலில் வேறெந்த பெரிய நோயும் இல்லை என்று சொல்லலாம்.சிறு வயதினருக்கு தேர்வு பயம், தலைவலி உட்பட சிறிய தொந்தரவுகளினால் கூட தூக்கம் தடைபடலாம். அது விரைவில் சரியாகி விடும்.

30 வயதுக்கு மேல் ஆண், பெண் இருவருக்குமே தூக்கமின்மை பிரச்னை தொடங்குகிறது. உடலில் ஏற்கனவே இருக்கும் சர்க்கரை, ரத்தஅழுத்தம், சிகிச்சை பெற்று வருபவர்கள், அடிக்கடி தலைவலி பிரச்னை உள்ளவர்கள், புற்றுநோய் போன்ற நோய்களுக்கு ரேடியோ தெரபி மற்றும் கீமோதெரபி சிகிச்சை மேற்கொள்ளும் நபர்கள் தூக்கமின்மை பிரச்னையால் பாதிக்கப்பட வாய்ப்புள்ளது.

அதிக உடல் எடை காரணமாகவும் தூக்கம் தடைபடும். பகல் நேரத்தில் தூங்கும் பழக்கம் உள்ளவர்களுக்கும் உறக்கம் பிரச்னையே. இரவில் நீண்ட நேரம் தொலைக்காட்சி, கணணி பார்ப்பது மற்றும் மனக்குழப்பம், மன அழுத்தம் உட்பட உளவியல் சிக்கல் இருந்தாலும் தூக்கம் பிரச்னையாக மாறும்.

தூக்கமின்மையின் காரணமாக எந்த விஷயத்திலும் இவர்களால் முழு ஈடுபாடு காட்ட முடியாது. கவனக்குறைவால் மற்ற வேலைகளும் கெடும். தூக்கம் தடைபட்டு அடிக்கடி எழுந்திருத்தல் போன்ற தொல்லைகள் தொடரும். இதனால் உடல் சோர்வு, தெளிவாக முடிவெடுக்கத் தெரியாமல் திண்டாடுதல், உடல் தளர்ச்சி, யோசிக்க முடியாமல் திணறுதல் போன்ற பிரச்னைகளுக்கு ஆளாவார்கள். தூக்கமின்மை தொடங்கும் போதே மருத்துவரை அணுகி சிகிச்சை செய்து கொள்ளலாம்.

மூளையில் சுரக்கும் செரோட்டின் அளவு குறையும் போது தான் தூக்கமின்மை பிரச்னை உருவாகிறது. குழந்தைகளுக்கு சிறு வயதில் படுக்கையில் சிறுநீர் கழிக்கும் பழக்கம், குழந்தைகள் பயங்கரமான கனவுகளால் விழிக்க வாய்ப்புள்ளது. அவர்களுக்கு கனவு பற்றி சொல்லி விழிப்புணர்வை ஏற்படுத்த வேண்டும்.

மரபு ரீதியான இரவு நேர பய உணர்வும் தூக்கத்தின் எதிரியே. தூக்கத்தில் எழுந்து நடப்பது, தானாகப் பேசுவது போன்ற குறைபாடுகளும் குழந்தைகளிடம் காணப்படலாம். இது குறித்து மருத்துவரிடம் ஆலோசித்து சிகிச்சை எடுத்துக் கொள்வதன் மூலம் குழந்தைகள் நிம்மதியான தூக்கம் பெற முடியும்.

பாதுகாப்பு முறை: தூங்குவதற்கு இரண்டு மணி நேரத்துக்கு முன்பே சாப்பிட வேண்டும். எளிதில் ஜீரணம் ஆகும் உணவுகளை மட்டுமே இரவில் எடுத்துக் கொள்ள வேண்டும். தூக்கம் பிரச்னை உள்ளவர்கள் காபி குடிப்பதை கைவிட வேண்டும். காபியில் இருக்கும் காபின் காரணமாக மூளையில் செரோட்டின் சுரப்பு அளவு குறையும். இரவு படுக்கைக்கு செல்லும் முன் வெந்நீரில் குளித்தால் நன்றாக தூக்கம் வரும்.

தினமும் முறையான நேரத்துக்கு தூங்கச் செல்லுதல், தூங்கும் இடத்தில் அதிக வெளிச்சம் இன்றி இருத்தல், மதிய நேரத்தில் குட்டித் தூக்கம் தவிர்த்தல், மனக்கவலைகளை ஓரம் கட்டுதல் வேண்டும். படுக்கையில் அலுவலகப் பணிகள் செய்வதைத் தவிர்க்கவும். இரவில் ஒரு டம்ளர் பால் அருந்தவும். இரவில் மது அருந்தும் பழக்கத்தை கைவிடவும்.

மூளையைத் தூண்டும் மருந்துகளைத் தவிர்க்கவும். புகை பிடிப்பதும் நல்லதல்ல. பரபரப்பான வாழ்க்கை முறையை மாற்றி நிதானப்படுத்திக் கொள்ளவும். மன அமைதிக்கான பயிற்சிகள், போதுமான உடற்பயிற்சியும், சத்தான உணவுகளும் இனிய தூக்கத்துக்கு வழிவகுக்கும்.

Source: http://www.lankasritechnology.com/view.php?203609F220eZnBd34ea4mOl34cbdQMAAcddcoKMQKdbc4TlOmae42dBnZ3e023F90602

பர்சனல் பயோடேட்டா-6

2011-07-06T23:34:00.000-04:00

பெயர்: கனிமொழி

செல்லப்பெயர்: கருணா(ய்)நிதியின் இலக்கிய வாரிசு

தொழில்: வேலை வெட்டி எதுவும் இல்லைங்கோ

பொழுதுபோக்கு: கதை,கவிதை எழுதுதல்,கொள்ளை அடித்தல், கம்பி எண்ணுதல்

வருமானம்: எண்ணுவதற்கு நேரமில்லை

பலம்:பணம், கருணாநிதி,தி.மு.க

பலவீனம்: சகோதரர்கள்,பேராசை

சமீபத்தைய சாதனை: 2G Spectrum ஊழல், கருணாநிதி தலையில் மிளகாய் அரைத்தது

நீண்டநாள் சாதனை: பாராளுமன்ற உறுப்பினர் ,2 முறை திருமணம்

சமீபத்தைய ஏரிச்சல்: 2G Spectrum ,திகார் ஜெயில்,நீரா ராடியா

சிறந்த நண்பர்கள்: A.ராஜா, நீரா ராடியா

சமீபத்தைய ஆப்பு: திகார் ஜெயில்

பெயர்: திருவாளர் பொதுஜனம்

பட்டபெயர்: இளிச்சவாயர், ஏமாளிகள்

பலம்: ஒட்டு உரிமை, ஜனநாயகம்

பலவீனம்: ஒட்டு போடாமை, அரசியல்வாதிகள், ஜாதி வெறி

நீண்டகால சாதனை:ஜனத்தொகை

நீண்டகால எரிச்சல்: அரசியல்வாதிகள், சாமியார்கள்

சமீபத்திய எரிச்சல்: சினிமா நடிகர்களின் அலப்பறைகள்

தேர்தல்: இலவசங்களின் சீசன்,ஒரு நாள் விடுமுறை

எஜமான்: அரசியல்வாதிகள், சாமியார்கள், நடிகர்கள்

ஜனநாயகம்: கணக்கில் எடுப்பதில்லை

நம்புவது; அரசியல்,சினிமா,கடவுள்,போலிச்சாமியார்கள், சொல்புத்தி

நம்பமறுப்பது: சொந்த புத்தி ,தன்னம்பிக்கை,பகுத்தறிவு

அரசியல்வாதிகள்: ஒட்டு பொறுக்கிகள்,புளுகு மூட்டைகள்

தினமும் ஏறுவது : கடன், வன்முறை,சுயநலம்

தினமும் குறைவது : பேங்க் பேலன்ஸ்,தன்னம்பிக்கை,அகிம்சை,பொதுநலம்

இலங்கை- மிக அபூர்வமான படங்கள்-1

2011-07-04T20:26:00.000-04:00

இலங்கையின் 18ம் நூற்றாண்டு அரிய புகைப்படங்கள்

இளநீரின் மருத்துவ குணங்கள்...

2011-07-01T23:33:00.002-04:00

இளநீர் உடலுக்குக் குளிர்ச்சியை அளித்து இரத்தத்தில் சேர வேண்டிய தாது உப்புக்களைச் சேர்த்து உடலின் செயல்திறனை ஊக்குவிக்கிறது. இளநீர் இயற்கை அளித்த இனிய பானம் மட்டுமன்று பல பிணிகளைத் தீர்க்கும் மாமருந்தாகவும் உள்ளது.இளநீர் என்பது இயற்கையிலேயே உருவான உடலியல் இயக்கங்களுக்கு இன்றியமையாத பல தாது உப்புகள் அதிகமாக உள்ள ஒரு பானம்(Isotonic Drink).

இருதயம், கல்லீரல், சிறுநீரகம், கண்கள் மற்றும் இரத்த நாளங்களில் உஷ்ணம் ஆதிக்கம் அடையாமல் இருக்க உறுதுணையாகிறது. மயக்கம், அசதி ஏற்படும் போது மருத்துவரிடம் செல்வதற்கு முன் இரண்டு குவளை இளநீர் அருந்துவது என்பது ஒரு பாட்டில் சலைன் ஏற்றுவதற்குச் சமமாகும்.

கடும் நீரிழப்பின் போது(severe dehydration) சரியான மாற்றுக் கிடைக்காத போது இளநீரையே நேரடியாக இரத்த நாளங்களில் ஏற்ற முடியும். மே, ஜூன் ஆகிய இரு மாதங்களிலும் வெயில் தகிக்கும்.அப்போது உடலிலிருந்து வியர்வை ஏராளமாக வெளியேறுவதால் நீர்க்கடுப்பு ஏற்படலாம். அப்போது இரண்டு குவளை இளநீர் பருகுவது நல்லது.

பேதி சீதபேதி, ரத்த பேதி ஆகும் போது மற்றெல்லா உணவுகளையும் தவிர்த்து விட்டு உடனடியாக இளநீர் பருகி வர உடல் அசதி, மயக்கம் வராது. சிறுநீரகக்கல், சிறுநீர்க்குழாய் பாதிப்பு(Urinary Infection), போன்ற கோளாறுகள் வந்துவிட்டால் முதல் மருந்தே இளநீர் தான்.

டைபாய்டு, மலேரியா, மஞ்சள் காமாலை, அம்மை நோய்கள் போன்றவற்றால் பாதிக்கப்படும் போது இளநீரைத் தாராளமாகக் குடிக்க வேண்டும். அறுவை சிகிச்சைகளுக்குப் பின் திரவ உணவு மட்டுமே சாப்பிட வேண்டிய சமயங்களில் இளநீருக்கு முன்னுரிமை வழங்கி உபயோகித்தால் அறுவை சிகிக்சைப் புண் (Surgical Sore) விரைவில் குணமடையும்.

உணவு எளிதில் ஜீரணமாவதற்கு இளநீரில் உள்ள தாதுக்கள் பயன்படுவதால் செரிமான உறுப்புக் கோளாறுகளால் அவதிப்படும் குழந்தைகளுக்கு வாந்தி வரும் போது இளநீர் கொடுத்தால் வாந்தி கட்டுப்படும். நாக்கு வறட்சி நீங்கும்.

கோடைக்காலம் மட்டுமின்றி எல்லாக் காலங்களிலும் அருந்தக் கூடிய இனிப்பும் குளிர்ச்சியும் கொண்ட இளநீரை அருந்தி வந்தால் உடல் வளமை பெற்று நோயற்று ஆரோக்கியத்துடன் வாழலாம்.

உடலுக்குக் கேடு தரும் பல்வேறு வேதிப்பொருட்களை உள்ளடக்கிய கார்பானிக் குளிர்பானங்கள்(Carbonated Drinks), பனிக்கூழ்(Ice cream) ஆகியவற்றை விட உடலுக்குப் பல மடங்கு நலம் தரும் இயற்கை பானமான இளநீரைப் பயன்படுத்துவதே ஆரோக்கியமான வழி.

மேலும் தோல் பளபளப்பாக சிவப்பாக மாற 24 மில்லி கிராம் ஸல்ஃபர் உப்பு தேவைப்படுகிறது. இந்த ஸல்ஃபர் உப்பு இரத்தம் சுத்தம் அடையவும் கல்லீரல் நன்றாக இயங்கவும் உதவுகிறது. இத்துடன் தோல் முடி நகங்கள் ஆரோக்கியமாக வளரவும் உதவுகின்றன. இந்த உப்பு இளநீரில் அதிகம் காணப்படுகிறது.

Source: www.tech.lankasri.com

பால் வீதி - 2

2011-06-28T23:51:00.000-04:00

கடந்த பதிவில் நட்சத்திரங்களின் தோற்றம் பற்றி பார்த்தோம்.இந்த பதிவில் நட்சத்திரங்களை பற்றி சற்று ஆழமாக பாப்போம்..

நட்சத்திரங்களை நாம் பொதுவாக ஐந்து வகைகளாக பிரிக்கலாம்.

1. Main-Sequence Star (சாரி...இதன் தமிழ் அர்த்தம் தெரியவில்லை).

இந்தவகை நட்சத்திரங்கள் தான் மிக அதிகமாக விண்வெளியில் காணபடுகின்றன.நமது சூரியனும் இந்த வகையை சார்ந்தது தான்.இவை அளவிலும்,பிரகாசத்திலும் வேறுபடுகின்றன,ஆனால் இவில் மிகவும் நிலையான நட்சத்திரங்கள்.இதற்கு காரணம் புவியீர்ப்பு விசையுடன் உள்ள சமநிலை ஆகும்.அதாவது புவியீர்ப்பு விசையானது மையத்திலிருந்து நட்சத்திரத்தை எப்போதும் உள்ள்நோகியே இழுக்கும்,ஆனால் Nuclear Fission எனப்படும் அணு சேர்க்கையானது பெருமளவில் சக்தியை வெளிநோக்கி தள்ளுகின்றது.இந்த இரண்டு விசைகளும் சமநிலையில் இருப்பதே இவற்றின் நிலையான தன்மைக்கு காரணமாகும்.இந்தவகை நட்சத்திரங்கள் பல பில்லியன் ஆண்டுகள் நிலைக்க கூடியவை.(எமது சூரியனின் வயது சுமார் ஐந்து பில்லியன் அண்டுகள் ஆகும்). Sirius மற்றும் Alpha Centuri A போன்றவையும் இந்த வகை நட்சத்திரங்கள் தான்.

2. Red Giant Star - ரெட் ஜயன்ட்

ஒரு நட்சத்திரத்தின் மையத்தில் உள்ள ஐதரசன் வாயு தீர்ந்ததும் அணு சேர்கை தடைபடுகின்றது.புவியீர்ப்பு சமநிலையில் தளம்பல் ஏற்படும் போது மையத்தை சுற்றி உள்ள ஐதரசன் வாயு ஹீலியமாக மாற மீண்டு சமநிலை சரி செய்யபடுகின்றது.இந்த நிலையில் அந்த நட்சத்திரம் ஒரு பலூனை போல ஊதி சுமார் 100 மடங்கு பெருக்கின்றது.இந்த நிலையில் உள்ள நட்சத்திரங்களை ரெட் ஜயன்ட் என கூறுவார்.பொதுவாக அநேகமான Main-Sequence நட்சத்திரங்கள் காலம் செல்ல செல்ல ஐதரசன் வாயு குறைவடைய இந்த நிலையை அடைகின்றன. ரெட் ஜயன்ட் நிலையானது சில மில்லியன் வருடங்களே நீடிக்கும்.அணு சேர்க்கை நடைபெற மேலும் எரிபொருள் இல்லாத நிலையில் நட்சத்திரமானது மிக சிறிய வெண் குள்ள நட்சத்திரமாக (White Dwarf Star) மாறுகின்றது.நமது சூரியனுக்கும்ம் இதே நிலை தான்..

3. Red Dwarf Star - செங் குள்ள நட்சத்திரம்

இந்தவகை நட்சத்திரங்கள் விண்வெளியில் பரவலாக காணபடுகின்றன.இவை Main Sequence நட்சத்திர வகையை சார்ந்தவை தான் ஆனால் மிகவும் குறைந்த எடையை கொண்டவை.குறைந்த எடை காரணமாக இவற்றின் வெப்பநிலை நமது சூரியனை விட மிகவும் குறைந்தே காணபடுகின்றது.இந்தவகை நட்சத்திரங்களில் அணு சேர்கை மெதுவாகவே நடை பெறுவதால் இவை சுமார் 10 ட்ரில்லியன் ஆண்டுகள் வரை அழியாமல் இருக்கும் என விஞ்ஞானிகள் கணிப்பிட்டுள்ளனர்.இவற்றின் எடை சூரியனின் எடையில் 0.075% முதல் 50% வரை காணபடுகின்றது.

4. Neutron Star - நியுட்ரோன் நட்சத்திரம்

சூரியனை விட 1.35-2.1மடங்கு பெரிய நட்சத்திரங்கள் அழியும் போது அவை வெண் குள்ளமாக மாறுவதில்லை,மாறாக முற்று முழுதாக நியுற்றோன்களால் ஆனா ஒரு சிறிய நட்சத்திரமாக மாறுகின்றன.காரணம் இவை அழியும் போது சுபெர்நோவா எனும் பாரிய வெடிப்புடன் அழிகின்றன.நியுட்ரோன் நட்சத்திரத்தில் புவியீர்ப்பு விசை மிக அதிகமாக காணப்படுவதால் புரோட்டன்களும் இலத்திரன்களும் ஒன்று சேர்ந்து நியுற்றோன்களாக மாறுகின்றன.இந்தவகை நட்சத்திரங்கள் விண்வெளியில் மிக அரிதாகவே காணபடுகின்றன.இந்தவகை நட்சத்திரங்கள் மிகவும் அடர்த்தி உடையவை.நியுட்ரோன் நட்சத்திரத்தில் இருந்து ஒரு மேசைகரண்டி அளவு பதார்த்தத்தை வெட்டிஎடுத்தால் பூமியில் அதன் நிறை எவரெஸ்ட் சிகரத்தின் நிறைக்கு சமனாக இருக்கும் என விஞ்ஞானிகள் கூறுகின்றனர்.

5. Super-giant or Hyper-giant Stars - ராட்சத அல்லது அதி ராட்சத நட்சத்திரங்கள்.

விண்வெளியில் உள்ள நட்சத்திரங்களில் மிகவும் பெரியவை இந்த வகை நட்சத்திரங்கள்.சூரியனை காட்டிலும் 10 அல்லது அதற்கு மேற்பட்ட அளவையுடைய நட்சத்திரங்களை Supergiants என ஆங்கிலத்தில் அழைகின்றனர்.இந்தவை நட்சத்திரங்கள் மிக வேகமாக அதன் ஐதரசன் எரிபொருளை முடிப்பதால் இவற்றின் ஆயுள் சில மில்லியன் ஆண்டுகள் தான்."Main Sequence" நட்சத்திரங்களை போல் இவை நிலையானவை அல்ல.மிகவும் உறுதியற்ற நிலையிலேயே இவை காணபடுகின்றன.சூரியனை விட 100 மடங்கு பெரிய நட்சத்திரங்கள் ஆங்கிலத்தில் "Hypergiants" என அழைக்கபடுகின்றது.இந்தவகை நட்சத்திரங்கள் மிக மிக அரிதாகவே விண்வெளியில் காணபடுகின்றன.இது வரையில் கண்டுபிடிகப்பட்ட நட்சத்திரங்களில் மிக பெரியது "VY Canis Majoris" ஆகும்.இது சூரியனை காட்டிலும் 2100 மடங்கு பெரியது.இதன் விட்டம் 3.063பில்லியன்km ஆகும்.நமது சூரியனை எடுத்து விட்டு அந்த இடத்தில இதை வைத்தால்சனிகிரகம் வரை இதன் விட்டம் இருக்கும். ஒளிக்கதி ஆனது சூரியனை ஒரு முறை சுற்றி வர 14வினாடிகளே ஆகின்றது,ஆனால் இந்த நட்சத்திரத்தை சுற்றிவர ஒளிகதிருக்கு 2.7 மணித்தியாலங்கள் தேவை.இந்தவகை நட்சத்திரங்கள் அழியும் போது கருந்துளைகளாக மாறுகின்றன.

நட்சத்திரங்களின் அளவுகள் இதோ ஒரே படத்தில்.....

தொடரும்.....

மேக்கப் இல்லா ஹிந்தி நடிகைகள்.....

2011-06-27T23:33:00.000-04:00

பிரபல ஹிந்தி நடிகைகளின் மேக்கப் அற்ற இயற்கையான முகங்கள்...

பிபாஷா பாசு

தீபிகா படுகோனே

கஜோல்

கரீனா கபூர்

கத்ரீனா கைப்

மாதுரி டிக்ஸ்சீத்

பிரியங்கா சோப்ரா

சுஷ்மிதா சென்

தபு

மேலும் பல நடிகைகளின் படங்கள் ஒரு வீடியோ தொகுப்பாக....

இலங்கையின் கொலைக்களங்கள் (18+)

2011-06-27T00:09:00.000-04:00

ஒவ்வொரு தமிழனும் கண்டிப்பாக பார்க்க வேண்டிய ஒரு வீடியோ.

( எச்சரிக்கை: கொடூரமான வன்முறை காட்சிகள்.)

பால் வீதி-1

2011-06-25T23:48:00.000-04:00

இந்த உலகில் நாம் விடை காண துடிக்கும் மர்மங்கள் நிறையவே உள்ளன.நாம் எப்படி இவ்வுலகிற்கு வந்தோம்?இந்த பூமி எப்படி உருவானது?விண்வெளியின் இரகசியங்கள் என்ன? போன்ற கேள்விகள் சிறு வயதிலிருந்தே என்னை துளைத்துக்கொண்டிருந்தன.என்னுடைய நெடுநாள் தேடலுக்கு தீர்வாக சமீபத்தில் நான் பார்த்த "The Universe" என்னும் ஆவணப்படம் அமைந்தது.இதன் மூலம் நான் பெற்ற விடைகளை உங்களுடன் பகிர்ந்து கொள்கிறேன்.

இந்த பேரண்டத்தின் உருவாக்கம் பற்றி பொதுவாக எல்லோராலும் விஞ்ஜான ரீதியாக ஏற்றுகொள்ள பட்ட கொள்கை "Big Bang Theory" என அழைக்கபடுகிறது.அதாவது எதுவுமே இல்லாத ஒரு நிலையிலிருந்து திடீரென வெடித்து பரவியதே தற்போதைய விண்வெளியின் பிறப்பு என விஞ்ஞானிகள் கூறுகின்றனர்.அந்த ஆரம்ப புள்ளியை ஆங்கிலத்தில் "singularity" என கூறுவர். இந்த ஆரம்ப புள்ளிக்குள் தான் விண்வெளியின் மிகவும் அடிப்படையான நான்கு விசைகள் தோற்றம் பெற்றன.புவியீர்ப்பு விசை, மின்காந்த விசை, வலிமையான அணு விசை மற்றும் ஐதான அணு விசை என்பனவே அந்த நான்கு விசைகளாகும். singularity எனப்படும் அந்த ஆரம்பபுள்ளியினுள் சமநிலையில் இந்த நான்கு விசைகளும் காணப்பட்டன.புவியீர்ப்பு விசையினால் இந்த சமநிலை உடைக்கப்பட்ட பொது ஒளியை விட வேகமாக அண்டம் விரிவடைய தொடங்கியது.இந்த விரிவாக்கமானது எல்லாத்திசையிலும் சமசீராகவே நடைபெற்றது. வெடிப்பு சுமார் 13.7பில்லியன் ஆண்டுகளுக்கு முன் நடைபெற்றதாக விஞ்ஜானிகள் கூறுகின்றனர்.

Big bang வெடிப்பு நிகழ்ந்து சுமார் 380,000ஆண்டுகளின் பிறகே முதலாவது நட்சத்திரம் தோன்றியதாக கூறபடுகிறது.விண்வெளியில் மிக அதிகமாக காணப்படும் மூலக்கூறு ஐதரசன் வாயு ஆகும்.இத்துடன் தூசு துணிக்கைகள் மற்றும் சடப்பொருள் என்பன விண்வெளியில் நிறைந்து காணபடுகின்றன.புவியீர்ப்பு விசை காரணமாக ஐதரசன் வாயுவின் மூலக்கூறுகள் மெதுவாக ஒன்றை ஒன்று நெருக்க தொடங்குகின்றன.காலபோக்கில் இந்த நெருக்கம் அதிகமாக வாயுவின் அடர்த்தி,வெப்பம் மற்றும் அமுக்கம் என்பன அதிகரிக்கின்றன.ஒரு கட்டத்தில் அதீத அமுக்கம் மற்றும் அடர்த்தி காரணமாக ஐதரசன் வாயுவின் அணுக்கள் ஒன்றுடன் ஒன்று பிணைந்து விடுகின்றன.இந்த பினைவை ஆங்கிலத்தில் Nuclear fusion என அழைப்பர்.nuclear fusion நடைபெறும் பொது பெருமளவில் சக்தி வெளிவிடபடுகின்றது.இந்த சக்தி ஒளியாகவும்,வெப்பமாகவும் வெளியேறுகின்றது.

புவியீர்ப்பு விசையினால் உருவாகும் nuclear fusion காரணமாகவே நட்சத்திரங்கள் உருவாவதாக விஞ்ஜானம் கூறுகின்றது.மூலகூறுகளுக்கு இடையிலான புவியீர்ப்பு விசையினால் நட்சத்திரங்கள் உருவானதை போலவே தான் கோள்களும் உருவாகின.ஒரு நட்சத்திரத்தை சுற்றி உள்ள தூசு துணிக்கைகள் அந்த நட்சத்திரத்தின் புவியீர்ப்பு விசையினால் நெருகமடைகின்றன.மிகவும் நுண்ணிய துகள்கள் சேர்ந்து மணல் அளவில் துணிக்கைகள் உருவாகின்றன.மணல் அளவில் உள்ள துணிக்கைகள் சேர்ந்து கல்லாக மாறுகின்றன.காலபோக்கில் இவ்வாறு துணிக்கைகள் சேர்ந்து கோள்கள் தோற்றம் பெறுகின்றன.இவ்வாறு தோற்றம் பெற்ற கோள்கள் புவியீர்ப்பு விசை காரணமாக நட்சத்திரங்களை சுற்ற ஆரம்பிக்கின்றன.இதனால் சூரிய குடும்பங்கள் தோற்றம் பெற்றன.இவ்வாறு எண்ணில் அடங்கா நட்சத்திரங்கள்,கோள்கள் மற்றும் சூரிய குடும்பங்கள் அடங்கிய ஒரு தொகுதியை கலேக்சி என அழைக்கின்றனர்.விஞ்ஞானிகளின் கணிப்பின்படி அண்டவெளியில் சுமார் 100 பில்லியன் கலேக்சிகள் உள்ளன.ஒவொரு கலக்சியிலும் சுமார் நூறு முதல் இருநூறு பில்லியன் வரையிலான நட்சத்திரங்கள் உள்ளன.

தொடரும்...

தமிழிலும் இனி மொழிமாற்றம் செய்யலாம்: கூகுளின் சாதனை

2011-06-23T23:10:00.000-04:00

கூகிள் Translate பற்றி அனைவரும் அறிந்திருப்பீர்கள். ஒரு மொழியிலிருந்து இன்னொரு மொழிக்கு கட்டுரைகளை மாற்ற உதவுகிறது.
இதுவரை தமிழ் மொழிக்கு மாற்றும் வசதி இல்லை. தற்போது அதனையும் அறிமுகப்படுத்தியுள்ளது. ஆனால் தற்போது சோதனை முறையாகவே அறிமுகம் செய்துள்ளது.

அதனால் சரியாக மொழிமாற்றம் செய்யவில்லை. பல ஆங்கில வார்த்தைகளை ஆங்கில வார்த்தைகளாகவே கொடுக்கிறது. அதே போல தமிழிலிருந்து ஆங்கிலத்துக்கு மாற்றினால் பல தமிழ் வார்த்தைகளை தமிழிஷ்[Tamil word in English] வார்த்தைகளாகவே கொடுக்கிறது.

மொழிமாற்றம் செய்ய:
http://translate.google.com/ தளத்திற்கு சென்று நீங்கள் டைப் செய்யுங்கள். நீங்கள் எந்த மொழியில் டைப் செய்தாலும் முடிந்த வரை அது தானியங்கியாக கண்டுபிடித்து விடும். பிறகு மேலே TO என்ற இடத்தில் எந்த மொழிக்கு மாற்றம் செய்ய வேண்டுமோ அதனை தேர்வு செய்யவும். பிறகு Translate என்பதை க்ளிக் செய்யவும்.

தமிழுடன் சேர்த்து வங்காளம், குஜராத்தி, தெலுங்கு, கன்னடம் என மொத்தம் ஐந்து மொழிகள் தற்போது சோதனை முறையில் இருக்கின்றன. Google Translate Gadget-ல் இன்னும் இந்த வசதி வரவில்லை.

நன்றி: www..tech.lankasri.com

சினிமா சினிமா சினிமா...

2010-10-11T23:38:00.000-04:00

லேடஸ்ட் நிலவரங்கள்,கிசுகிசுக்கள்...

நயன்தாரா விவகாரம்...மனம் திறந்த ரமலத்!

பேட்டி கொடுக்காமல் சற்று ஒதுங்கியே இருந்த ரமலத், நீண்ட இடைவெளிக்கு பிறகு 'குங்குமம்' இதழுக்காக வாயை திறந்திருக்கிறார். மக்கள் மத்தியில் ரமலத்துக்கான ஆதரவு நாளுக்கு நாள் பெருகிக் கொண்டேயிருக்கும் இந்த நிலையில் ரமலத்தின் ஒருவனுக்கு ஒருத்தி பேட்டி சூடாகதான் இருக்கிறது. என்ன சொல்லியிருக்கிறார் அதில்? இதோ-

சினிமா சம்பந்தப்பட்ட ஆட்கள் எங்க வீட்டுக்கு வந்தாலும் ஒரு பாசத்தோடதான் உபசரிப்பேன். எங்களுக்கு சோறு போடுற தொழிலாச்சே. அந்த மாதிரிதான் அந்த பெண்ணையும் ஆரம்பத்துல பார்த்தேன். வீட்டுக்கு வரும்போதெல்லாம் அவரை சார்னும் என்னை அக்கான்னும் கூப்பிடும். ஆனா அது மனசுல இந்த மாதிரி நியாயத்துக்கும் தர்மத்துக்கும் புறம்பான ஒரு ஆசை இருக்குதுங்குறது எனக்கு தெரியாம போச்சு. இல்லாட்டி என் வீட்டுக்கே வந்து என் புருஷனை விட்டு தரச்சொல்லி கேக்குற வரைக்கும் அதை நம்பியிருப்பேனா? உலகத்துல ஒரு பொண்ணு இன்னொரு பொண்ணுகிட்ட கேட்க கூடாததை எங்கிட்ட கேட்டுச்சு. அன்னைக்குதான் வாழ்க்கையிலேயே நான் து£ங்காத முழு ராத்திரி.

மூத்த பையன் விஷால் கேன்சர்ல இறந்த துக்கத்துல இருந்து முழுசா மீண்டு வராத நிலையில எங்கிட்ட வந்து இப்படி கேட்டாங்க. விஷால் விஷயத்துல கூட அவருக்கு எங்க இருந்துச்சு அக்கறை? உடலை அடக்கம் பண்ணிட்டு வந்ததோட சரி. மறுநாள் அந்த பொண்ணோட கிளம்பிட்டார். பையன் போயிட்டானே என்ற கவலையெல்லாம் நயன்தாரா வந்ததும் ரெண்டாந்தரமா போச்சு. மொத்தத்துல அக்கான்னு சொல்லி வீட்டுக்குள்ளே வந்தவங்களை நம்புனதாலதான் இப்ப சக்களத்தி சண்டை போட வேண்டியிருக்கு. வர்றபோதெல்லாம் சாக்லெட், டிரஸ்னு வாங்கிட்டு வந்ததால பசங்களும் ஆன்ட்டின்னு பிரியா பழகுனாங்க. எல்லாம் வேற நோக்கம்னு அந்த பிஞ்சுகளுக்கே இன்னிக்கு தெரிஞ்சுருச்சு.

அந்த பொண்ணு போட்டோவை பார்த்தா கிழிச்சு போடுறாங்க. டிவியில அவங்க நடிக்கிற படம் வந்தா ஆஃப் பண்ணிடுறாங்க. ராத்திரி து£க்கத்துல பாதியில எழுந்து அப்பா எங்கம்மான்னு கேக்குறான் கடைசி பையன் ஆதித். மன ரீதியா அவங்க பாதிக்கப்பட்டிருக்காங்க.இப்படி என் பிள்ளைகளுக்கும் எனக்கும் மன உளைச்சலை தந்துட்டு அவரை எங்ககிட்ட இருந்து பிரிச்சுட்டு போய் சந்தோஷமா வாழ நினைக்குது அந்த பொண்ணு.

இப்படியெல்லாம் அந்த பேட்டியில் குமுறியிருக்கிறார் ரமலத். பதில் சொல்ல வேண்டிய பிரபுதேவாவும் நயன்தாராவும் காளகஸ்தி கோவிலுக்கு போய் பரிகார பூஜை செய்துவிட்டு திரும்பியிருக்கிறார்கள். முக்'கண்'ணுடைய பரமேஸ்வரன் தனது எந்த கண்ணை திறக்கப் போகிறாரோ, பார்க்கலாம்!

த்ரிஷா இடத்தில் எமி...கவுதம் மேனன் அதிரடி முடிவு!

இங்கிலாந்து -இந்திய கூட்டுத் தயாரிப்பு போல இருப்பதுதான் எமியின் விசேஷம்! வெளிநாட்டு அழகிகளை மட்டுமல்ல. அப்படியே கொஞ்சம் கழுத்தை நீட்ட்ட்ட்ட்டி எட்டிப்பார்த்து கூட ஒரு உதாரணம் சொல்லாம். அண்டை மாநிலமான பாலிவுட் குயின்களை கூட 'உவ்வே' என்று ஒதுக்கித் தள்ளிவிடுவார்கள் நமது ரசிகர்கள். பாலிவுட்டில் கொண்டாடப்பட்ட பிபாபாஷா பாசு தமிழில் விஜய்யுடன் இணைந்து ஒரு படத்தில் நடித்த போது என்னவானார்? ஆனால் எமியை பொருத்தவரை எந்த பக்கம் திருப்பினாலும் அழகு!

வண்ணார பேட்டை ரசிகனுக்கும் பிடிக்கும். மைலாப்பூர் ரசிகனுக்கும் இனிக்கும். அப்படி ஒரு முகம் அவருக்கு. இந்த முக லட்சணம்தான் த்ரிஷாவை ஒரு ஸ்டெப் பின்னுக்கு தள்ளிவிட்டிருக்கிறது! ஹையோ... அது எப்போ?

தமிழில் சூப்பர் ஹிட் ஆன விண்ணை தாண்டி வருவாயா படத்தை இந்தியில் எடுக்க வேண்டும் என்று விரும்பினார் கவுதம் மேனன். இதன் மூலம் இந்திக்கும் போகலாம் என்று நினைத்திருந்தார் சிம்பு. ஆனால் அது நடக்கவில்லை. தமிழில் நடித்த அதே கேரக்டரில் நடிக்கிற அதிர்ஷ்டம் த்ரிஷாவுக்கு மட்டும் வாய்த்தது. இப்போது அதிலும் திடீர் மாற்றம். த்ரிஷாவுக்கு பதிலாக எமியை புக் பண்ணிவிட்டார் கவுதம் மேனன்.உமியாயிருந்தா ஊதி தள்ளிடலாம். எமியாச்சே? இதயத்துல ஒரு கர்சீப் போட்டு வைங்கப்பா...

கதை கேட்கிறார் அஜீத்....கதறும் 'கப்சா' இயக்குனர்கள்

எப்பவோ போயிருக்க வேண்டிய 'மங்காத்தா' ஷ§ட்டிங் திடீர்னு நின்னு போச்சு! மீண்டும் தொடருவாங்களா, அல்லது....? இப்படி ஒரு கேள்வியோடு டென்ஷன் கிளப்புகிறார்கள் கோடம்பாக்கத்தில். அதை உறுதி செய்வது போல அஜீத்தும் புது இயக்குனர்களிடம் கதை கேட்க ஆரம்பித்திருக்கிறார். ஆச்சர்யம் என்னவென்றால் அவர் கதை கேட்பது நடிப்பதற்காக அல்ல. தானே தயாரிக்கும் படத்திற்காக.

ஒரிஜனல் கதையோடு அவரை சுற்றிக் கொண்டிருக்கிறார்கள் சிலர். ஒட்டு வேலை, கட்டு வேலை போட்டு ஹாலிவுட் கதைகளை சுட்டு சொல்கிறார்கள் சிலர். கதை கேட்கும் போதே இந்த சீன் இந்த படத்தில வந்திருச்சே. அந்த சீன் அந்த கொரியன் படத்துல இருக்கே என்று எந்த காட்சியை சொன்னாலும் சரியாக கண்டு பிடித்துவிடுகிறாராம் தல.

மனுஷன் எல்லா படத்தையும் பார்த்திருக்காரு போலிருக்கு. எந்த கதையையும் சுட்டு ஒப்பேற்ற முடியலையேப்பா என்று வழிகிறார்கள் கதை சொல்லப் போன 'கப்சா' இயக்குனர்களில் சிலர். அப்படியும் மீறி அவரை இம்ப்ரஸ் பண்ணிய இயக்குனர்களுக்கு தனது புதுக் கம்பெனியில் வாய்ப்பு கொடுக்கப் போகிறாராம் அஜீத்.

சூர்யாவுக்காக உருவான முகமூடி.....அணிந்து கொள்கிறார் ஆர்யா!

நினைவுகளை 'ரீவைண்ட்' செய்கிறவர்களுக்கு ஒரு பழைய செய்தி! சூர்யா நடிக்கும் 'முகமூடி' என்ற படத்தை மிஷ்கின் டைரக்ட் செய்யப் போவதாக கிசுகிசுக்கப்பட்டது. பட்ஜெட் 35 கோடி என்றும், இப்படத்தை தயாரிப்பது ஐங்கரன் நிறுவனத்தினர் என்றும் அப்போது செய்திகள் றெக்கை கட்டின. என் அடுத்தப்படத்தின் பட்ஜெட் 35 கோடி. அதில் ஹாரிஸ்தான் இசையமைப்பாளர் என்று பேச்சு வாக்கில் இளையராஜாவிடமே சொல்லி, அவரது தவுலுக்கு சவுண்டாகவும் ஆனார் மிஷ்கின். (அது நந்தலாலா நேரம்)

இப்போது மீண்டும் முகமூடியை து£சு தட்டி எடுத்திருக்கிறாராம். இதில் நடிக்கப் போவது சூர்யா அல்ல, ஆர்யா! யுத்தம் செய் படத்தை முடித்துவிட்ட மிஷ்கின், இந்த முகமூடி கதையை ஆர்யாவிடம் சொன்னாராம். அவருக்கும் பிடித்துப் போய்விட இப்போது நடித்துக் கொண்டிருக்கும் லிங்குசாமியின் சொந்த கம்பெனியிலேயே கேட்கலாம் என்று யோசித்தாராம்.

ஆர்யாவின் ஆர்வத்திற்கு லிங்குசாமியும் உடன்பட்டு விட்டதாக தகவல். விரைவில் முகமூடியை துவங்குகிறார்கள். ஆர்யாவை நடிக்க வைத்து முப்பது கோடிக்கு படம் எடுப்பதென்பது உரலுக்குள் விரல் வைத்த கதையாகிவிடும் என்பதால், பிசினஸ்சை பல மடங்கு கூட்டுகிற அம்சங்களை சேர்க்கிறார்களாம். அதற்கான பேச்சு வார்த்தை நடந்து வருகிறது. பெரிய ஹீரோயின், முன்னணி இசையமைப்பாளர் என்று வலை வீசிக் கொண்டிருக்கிறார்கள்.

நன்றி:www.tamilcinema.com

வீர மங்கைகள்-2

2010-10-09T23:01:00.000-04:00

அழகும் வீரமும் கலந்தால் இப்படிதான்....

சிரிப்பு ஒரு மாமருந்து

2010-10-06T23:05:00.000-04:00

உலகில் பிற உயிரினங்களுக்கும் பசி உணர்ச்சிகளும் உயிரை தக்க வைத்திடும், மற்றும் உயிரைக் காப்பாற்றும் உணர்ச்சிகளும் மிகுந்து இருந்தாலும் மனித இனம் அதையும் மீறி பேசும் வல்லமை பாடும் வல்லமை, சிரித்திடும் கலையை அறிந்திருக்கிறான்.

சிரித்திடும் சமயம் நமது முக அசைவுகள் அனைத்தும் தைராய்டு, பிட்யூட்டரி சுரப்பிகளின் திசுக்களை இயல்பாக்கி அமைதிப்படுத்துகின்றன. மேலும் 14 தசைகள் மட்டும் அச்சமயம் இயங்குகின்றன. பாரா சிம்பதடிக் நரம்புகள் ஆட்சி புரிகின்றன.கோபம் உச்சநிலை அடையும் சமயம் 100க்கும் மேற்பட்ட தசைகள், நாடி நரம்புகள் வேகம் கொண்டு சிம்பதடிக் நரம்புகள்(தானியங்கி) முறுக்கேறி அவசர நிலை பிரகடனப்படுத்தப்படுகிறது உடலில் இரத்தத்தில் அமிலம் மிகுகிறது.

எனவே நாம் வாழ்வில் நமது உணவின் அங்கம் போல் சிரிப்புக்கு, சிரிப்புக் கலையைக் கற்பதற்கு, கடைப்பிடிக்க சில நிமிடங்களாவது ஒதுக்கிடலாம்.
வாய்விட்டு சிரித்தால் நோய் விட்டுப் போகும். துன்பம் வரும் சமயமும் துவளாமல் சிரிப்புடன் எதிர் கொள்வது ஓர் அரிய கலை. அற்புதக் கலை.சிரிப்பு அலைகள் நம்மிடம் பிறரை ஈர்க்கும். கவலை அலைகள் பிறரை நம்மிடம் இருந்து விரட்டும்.சந்தோஷ அலைகள் நம்மை சுற்றி பாஸிடிவ் கரண்ட்டை பரப்பும். சோக அலைகள் நம்மைச்சுற்றி நெகடிவ் கரண்ட் தரும்.

சிரிப்பதற்கு கூட பயிற்சிகள் தேவைப்படுகின்றன. ஐந்து நிமிடம் காலையில் சிரித்துப் பழகலாம். நீங்கள் மகிழ்ச்சியாக, சந்தோஷமாக, சிரிக்கும் சமயம் மட்டுமே உங்கள் வீட்டில் இருந்து வெளி வாருங்கள். மகிழ்சி அலைகளைப் பரப்புங்கள் என்கிறார் சுவாமி விவேகானந்தர்.சோக அலைகள், துக்க சுவடுகளை, கவலை எண்ணங்களை வீட்டில் புதையுங்கள். வெளி உலகில் வந்து பரப்பாதீர்கள் என அறிவுறுத்துகிறார். ஆனால் நாம் யாரைப் பார்த்தாலும் நமது சோகக் கதையை கவலை மூட்டையை துக்க வியாபாரத்தை ஆரம்பிக்கிறோம்.

இனி வாழ்வில் இன்று முதல் சிரிப்பு வியாபாரம் தொடங்கலாம். அதனால் ஒரு நஷ்டமும் இல்லை. இதில் லாபம் மட்டுமேகிட்டும். இது உறுதி.அதிலும் பிறர் மனம் புண்படாத நிலை சிரிப்புகளுக்கு அதிக முக்கியத்துவம் தரலாம். உயிர் எழுத்துக்களை அ முதல் ஓ வரை வரிசையாக தொடர்ந்து வேகமாக உச்சரித்தால் சிரிப்பு அலைகள் உருவாகும். நம்மை சுற்றி நடக்கும் தவறான நிகழ்ச்சிகளில் ஈடுபடாமல் நாம் சாட்சியாக நிற்கும் சமயம் பல உண்மைகள் புரியும். பல நேரம் நமது தேவையே பிறக்கு தேவையிருக்காது. மேலும் நம்மால் ஏற்பட்ட தொல்லையும் நம் உறவினர்கள், நண்பர்களுக்கு குறையலாம்.

நாம் பொருள் உதவிகளை கேட்காமல் கொடுக்க வேண்டும்.நமது ஆலோசனை உதவிகளை மூன்று முறை கேட்ட பிறகே கொடுக்க வேண்டும்.இவ்விஷயத்தில் நாம் பல நேரம் மாறி தவறி விடுகிறோம்.சிரித்துப் பழக வேண்டும்.சிறுவர்களிடம் சிரித்துப் பழக வேண்டும்.சிறு குழந்தைகளைப் பார்த்து சிரித்துப் பழக வேண்டும்.சினம் அடையும் சமயம் சிரித்துப் பழக வேண்டும்.செயல்படும் போது சிரித்த முகத்துடன் பழகவேண்டும்.சிரிப்பு நமது வாழ்வின் மூச்சாக வேண்டும்.சோகம் நமது ஆரோக்கியச் செல்வத்தைக் குறைக்கும்.சிரிப்பு நமது ஆரோக்கியச் செல்வத்தை உயர்த்தும்.'சிரித்து வாழ வேண்டும். பிறர் சிரிக்க வாழ்ந்திடாதே' என்ற சிந்தனையுடன் சிரிப்பு வியாபாரத்தை இன்று தொடங்குங்கள். முதலில் வீட்டு உறவினர்களிடம் சிரிப்பு வியாபாரத்தை தொடங்குகள். எளிய வியாபாரம் சிறப்பான உத்திகள்.கோப அலைகள் அனைத்தையும் சிரிப்பு அலைகளாக மாற்ற முயற்சி செய்யுங்கள். அது ஒரு அற்புதக் கலை.

வாழ்க்கை வானம் உங்களுக்கு வசப்படும் தூரந்தான். துணிச்சலின் சொந்தக்காரராக மாறிடுவீர்கள்.மகிழ்சியின் பொக்கிஷதாரராக ஆகிவிடுவீர்கள்.அதற்கான வழி தெரியவில்லையா? இயற்கை உணவுகளும், கனி உணவுகளும் அப்பாதையை வெளிச்சம் போட்டுக் காட்டும். இயற்கை வாழ்வியல் வளமாக வழி நடத்திச் செல்லும். நாம் அதற்குத் தயாரா? சிரிக்கும்போது நைட்ரஜன் காற்று கூட நமக்கு சக்தி தரும். காற்றாக மாறும் வல்லமையைப் பெறுகிறோம். சிரித்துப் பழகுகிறவர்களுக்கு உணவின் தேவை குறைகிறது.

Source:www.z9tech.com/

பிரபலங்களும் போட்டோஷோப்பும்...

2010-10-04T23:26:00.000-04:00

நல்ல கற்பனை....

எந்திரன்- ஓர் ஆழமான அலசல்..

2010-10-03T23:08:00.000-04:00

இந்திய சினிமா வரலாற்றில் மிக அதிக பொருட்செலவில் தயாரான படம் தான் எந்திரன்..செக்கு மாடு போல திரும்ப திரும்ப ஒரே கதை அம்சங்களை கொண்ட படங்களை தயாரிக்கும் இந்திய சினிமாவில் இது ஒரு புதிய தொடக்கம்..இந்தியாவில் பல மொழிப்படங்கள் வெளிவருகின்றன..எல்லாவற்றிலும் மிக முக்கிய கரு காதல்,மசாலா,செண்டிமெண்ட்..இந்த மூன்றுமே இந்திய சினிமாவின் முக்கிய "Generes" ஆகும்..ஹாலிவூடில் உள்ள "Generes" களை ஆராய்ந்தால் ஒரு Encyclopedia வே தயாரிக்கலாம்..அந்த அளவுக்கு மிகவும் பரந்த ஒரு சினிமா களம் ஹாலிவூட்..தமிழ் சினிமாவை ஹோலிவூட் தரத்துக்கு கொண்டுபோகிறோம் என கூறி எத்தனையோ படங்கள் வெளிவந்தன..ஆனால் அவை தமிழ் சினிமாவை நாறடித்தது தான் மிச்சம்..ஆனால் இந்த எந்திரன் இந்திய சினிமாவின் முதலாவது True Science Fictionபடமாக வெளிவந்திருக்கிறது..குண்டு சட்டியில் குதிரை ஓடிகொண்டிருந்த தமிழ் திரையுலகம் விழித்து கொண்டதற்கான முதல் அறிகுறி இந்த எந்திரன்..தமிழ் சினிமாவில் இப்படி ஒரு படம் வராதா என ஏங்கியோரின் கனவை நனவாகியிருக்கிறது இந்த படம்.. குறிப்பாக அந்த கடைசி 45 நிமிட கிளைமாக்ஸ் காட்சிகளில் அப்படி ஒரு ஹாலிவூட் தரம்..ஒரு Iron man,Terminator படம் பார்ப்பது போல மிகவும் தரமான கிராபிக்ஸ் சண்டை காட்சிகள்..

தென் இந்திய சினிமாவின் கடவுளாக போற்றப்படும் ரஜனியின் ஆர்ப்பாட்டமில்லாத அறிமுக காட்சி நிச்சயம் யாரும் சற்றும் எதிர் பார்கத்துதான்..ஆனால் இன்றைய கால கட்டத்தில் அது மிக முக்கியமான ஒன்று..உலகின் வேறு எந்த சினிமாக்களிலும் ஹீரோவுக்கும் ஆர்ப்பாட்ட அறிமுகம் கொடுப்பதில்லை..இதை உணர்ந்து அறிமுக அலபறைகளை தவிர்த்த சங்கருக்கு ஒரு சபாஷ்..(விஜய் சார்..இதுக்கு பிறகாவது உங்களின் ஒபெநிங் சாங் அலபறைகளை நிறுத்துவீர்களா? ) படத்தின் நிறைகள் என்று பார்த்தல் ரஜனிகாந்தின் ஆர்ப்பாட்டமில்லாத அதிரடியான நடிப்பு,புதிய கதை களம்,ஐஸ்வர்யாராயின் அழகு மற்றும் கிராபிக்ஸ் காட்சிகள்..பின்னணி இசையில் ரசூல் பூக்குட்டி மிரட்டியிருக்கிறார்..வசீகரனாக வரும் ரஜினியில் வயது ஆங்காங்கே தெரிகிறது..ஆனால் நடிப்பில் மனுஷன் பின்னிஎடுதுவிட்டார்..குறிப்பாக அந்த வில்லன் ரஜினி செம மிரட்டல்.. மேலும் நிஜ வில்லனாக வரும் ரஜினியின் ப்ரோபெசரின் நடிப்பு அபாரம்..கண்களாலேயே மிரட்டுகிறார்...

படத்தின் இன்னுமொரு பலம் சாபு சிறில்..ஒரு ஹை டெக் நகரத்தையே படைத்திருக்கிறார்..படத்திலும் சில காட்சிகளில் வந்து போகிறார்.. எல்லாவற்றையும் சரியாக செய்த சாபு சிறில் விஞ்ஜான ஆய்வுகூடத்தை வடிவமைப்பதில் கோட்டை விட்டுள்ளார் என்றே கூறலாம்..சாதாரண வீட்டின் அளவை ஒத்த ஒரு ஆய்வு கூடத்திலா ரோபோக்களை உருவாகுவார்கள்? மனிதன் உருவாக்கிய ரோபோ மனிதகுலத்துக்கு எதிராக மாறுவது என்ற சாத்தியமான கதையை கையில் எடுத்த சங்கர் திரை கதையில் சிறிது சறுக்கி விட்டார்..படத்தில் ரஜினி சொந்தமாக லேப் வைத்து ரோபோவை கண்டுபிடிப்பதாக காட்டுகிறார்..மிகவும் அதி நவீன ரோபோவை தயாரிப்பது பொம்மை செய்வது போல இலகுவானதொன்றா?அதற்கு எவளவு பணம் செலவாகும்..எவ்வளவு மனித,இயந்திர வளங்கள் தேவைப்படும்..இதை எல்லாம் விடுத்து ரஜினி சிறிய ஒரு ஆய்வுகூடத்தில் இரண்டே இரண்டு உதவியாளர்களை வைத்துகொண்டு ரோபோ கண்டுபிடிப்பதேல்லாம் நடக்காத ஒன்று..ஒரு பெரிய நிறுவனத்தில் ரஜினி வின்ஜானியாக இருந்துகொண்டு ரோபோவை உருவாகுவதாக காட்டியிருந்தால் நன்றாக இருந்திருக்கும்.. Science Fiction கதையில் பாடல்கள் எதற்கு?உண்மையிலேயே பாடல்கள் விறுவிறுப்பான திரைக்கதைக்கு வேகத்தடையாக அமைகின்றன..படத்தில் கிட்டத்தட்ட 30 நிமிடங்கள் வரும் பாடல்களுக்கு பதிலாக ரோபோவின் சீன்களை சேர்த்திருக்கலாம்..தமிழ் சினிமாவில் இந்த பாடல்களை எப்போது தான் நிறுத்துவார்களோ தெரியவில்லை... மேலும் சந்தானம்,கருணாஸ் பாத்திரங்களை வேஸ்ட் செய்திருக்கிறார் சங்கர்..ஆனால் சிட்டியின் சில்மிசங்கள் அதிரவைகின்றன..சிட்டி செய்யும் கூத்துகளுக்கு கலவரமாகிறது தியேட்டர்..

இப்போது டைரக்டர் சங்கரிடம் சில கேள்விகள்..

உறுதியளிதபடியே ஹாலிவூட் தரத்துக்கு இணையான படத்தை தந்தமைக்கு மிக்க நன்றி..ஆனால் ஹாலிவூட் ஐடியாக்களை பயன்படுத்தியது ஏன்?நீங்கள் ஒரு பேட்டியில் சொன்னிர்கள் என்திரனில் ஹாலிவூட் சாயல் இருக்கவே இருக்காதென்று,ஆனால் ரோபோவின் டிசைன் ஹாலிவூட் I Robot மற்றும் Terminator ஐ நினைவூட்டுகின்றன..குறிப்பாக அந்த டீ கொண்டுவரும் ரோபோ Star wars படத்தில் வரும் R2D2ரோபோவின் அப்பட்டமான கொப்பி...பாடல் காட்சி ஒன்றிலும் Star wars strom troopers போல ஆட்களை உலாவ விட்டிருந்தீர்கள்..மேலும் சிட்டி செய்யும் சில்மிசங்கள் 1999ம் ஆண்டு வெளிவந்த Bicentannial Man எனும் திரைப்படத்துடன் ஒத்து போகின்றது . மேலும் நீங்கள் சிவாஜி திரைபடத்தில் ஒரு பாடலை Desparado பட சாயலில் எடுத்திருந்தீர்கள்..அந்நியன் படத்தில் Matrix பட சண்டை காட்சியை கொப்பி அடித்தீர்கள்..ஹாலிவூட் பட தாக்கம் இல்லாமலே ஹாலிவூடுக்கு இணையாக தமிழில் படமே எடுக்க முடியாதா? இன்னும் கொஞ்சம் மினக்கட்டிருந்தால் ஹாலிவூடையே மிஞ்சும் வகையில் எந்திரனை உருவாக்கியிருக்கலாம்.. தமிழ் சினிமாவில் ஒரு புதிய களத்தை திறந்தமைகாக எந்திரனுக்கு நன்றிகள்..சங்கர் சார் அடுத்த படத்திலாவது தவறாமல் சொந்த ஐடியாக்களை பயன்படுத்துங்கள்..உங்கள் ஐடியாக்களை ஹாலிவூட் பயன்படுத்தும் அளவுக்கு நிலைமை இருக்கவேண்டும் என்பதே எல்லோரினதும் ஆசை..

இந்த Trailorஐ பாருங்கள்...சிட்டியின் ரகசியம் புரியும்..

பீர்க்கங்காய் முப்பருப்பு கூட்டு

2010-09-30T23:24:00.000-04:00

தேவையானவை...

பீர்க்கங்காய் - 200 g

வெங்காயம் - 1

தக்காளி - 1

பச்சை மிளகாய் - 1

காய்ந்த மிளகாய் - 2

இஞ்சி - 1 அங்குல துண்டு

பூண்டு - 3 பல்

தேங்காய் துருவல் - 2 tbsp

கடலை பருப்பு - 2 tbsp

துவரம் பருப்பு - 2 tbsp

பாசி பருப்பு - 2 tbsp

எண்ணெய் - 2 tsp

கடுகு - 1/4 tsp

சீரகம் - 1/4 tsp

பெருங்காயம் - 1 சிட்டிகை

உப்பு - தேவையான அளவு

கருவேப்பிலை - தாளிக்க

கொத்தமல்லி - அலங்கரிக்க

செய்முறை...

•பீர்க்கங்காயை தோல் சீவி பொடியாக நறுக்கி கொள்ள வேண்டும்.

•வெங்காயம் மற்றும் தக்காளியையும் பொடியாக நறுக்கி கொள்ள வேண்டும்.

•எல்லா பருப்பையும் கழுவி மூழ்கும் வரை தண்ணீர் சேர்த்து குக்கரில் 2 விசில் வைத்து எடுக்கவேண்டும். பருப்பு ரொம்பவும் குழைய தேவையில்லை.

•வானலியில் எண்ணெய் விட்டு காய்ந்ததும் கடுகு போட்டு பொரிந்ததும் சீரகம் சேர்த்து வெடிக்க விட்டு பெருங்காயம் காய்ந்த மிளகாய் மற்றும் கருவேப்பில்லை சேர்க்கவும்.

•இப்போ வெங்காயம் சேர்த்து வதங்கியதும், இஞ்சி பூண்டு நசுக்கி சேர்க்கவும்.

•பச்சை வாசனை போகும் வரை வதக்கி தக்காளி சேர்க்கவும்.

•தக்காளி குழைந்து வந்ததும் பீர்க்கங்காய் சேர்த்து 5 நிமிடம் வதக்கி பருப்பை சேர்க்கவும்.

•உப்பு சேர்த்து ஒரு கிளறு கிளறி மூடி வைத்து 8 நிமிடம் வேக விட்டு இறக்கி தேங்காய் துருவல் மற்றும் கொத்தமல்லி தூவி பரிமாறவும்.

தேவைகேற்ப மிளகாய் சேர்த்து கொள்ளலாம். பீர்க்கங்காய் தோல் இளசாக இருந்தால் புதினா சேர்த்து துவையல் செய்யலாம்.

Source:www.arusuvai.com

எந்திரன் வசூல் கனடாவில் எப்படி இருக்கும்?

2010-09-30T00:27:00.000-04:00

வருகின்ற ஒக்டோபர் முதலாம் திகதி உலகம் முழுவதும் 3000இக்கு மேற்பட்ட திரையரங்குகளில் எந்திரன் திரையிடபடுகிறது.முதல்வார வசூல் கனடாவில் எப்படி இருக்கும் என்று ஒரு சிறிய அலசல்.

டொரோண்டோ நகரில் எந்திரன் நான்கு மிக முக்கிய திரையரங்குகளில் வெளியிடபடுகின்றது..முதல் எழு நாட்களில் மட்டும் 111காட்சிகள் திரையிடப்படவுள்ளன..ஒரு தமிழ் படம் கனடாவில் இந்த அளவு திரையிடபடுவது இதுவே முதல் முறை..கிட்ட தட்ட ஒரு ஹாலிவூட் படத்துக்கு கிடைக்கும் ஒபெனிங் எந்திரனுக்கு கிடைத்திருக்கிறது..ஒரு தியட்டரில் முதல் நான்கு நாட்களும் தினசரி எட்டு காட்சிகள் திரையிடபடுகின்றன..கடைசியாக அவதார் படத்துக்குதான் தினசரி எட்டு காட்சிகள் திரையிடப்பட்டன..

முதல மூன்று நாட்கள வசூல் எப்படி இருக்கபோகின்றது என்று பார்ப்போம்..இந்த தியட்டர்கள் சராசரியாக 400 இருக்கைகளை கொண்டன.ரஜனி மற்றும் சங்கர் இணையும் படம் என்றபடியால் முதல் மூன்று தினங்களும் அணைத்து காட்சிகளும் நிச்சயம் ஹவுஸ் புல்லாகவே இருக்கும்..முதல் மூன்று தினங்களிலும் சராசரியாக 59 காட்சிகள் திரையிடபடுகின்றன..வயதுவந்தோருக்கான டிக்கட் ஒன்றின் விலை $10.75 ஆகும்.சிறுவர்களுக்கான டிக்கட் விலை $7.99 ஆகும்..படம் பார்க்கவரும் ரசிகர்களில் 90 வீதம் வளந்தவர்கள் எனவும்,10 வீதம் சிறுவர்கள் எனவும் வைத்துகொள்வோம்..
வயது வந்தவர்களுக்கான டிக்கட் விற்பனை மூலம் கிடைக்கும் வசூல் $228330(59x400x0.9x10.75) ஆகும்..சிறுவர்களுக்கான டிக்கட் விற்பனை மூலம் கிடைக்கும் வசூல்
$18857(59x400x0.1x7.99) ஆகும்.எனவே மொத்த வசூல் $247187 ஆகும்..இது கிட்டத்தட்ட இந்திய மதிப்பில் ரூபாய் 98,87,480(247187x40)..முதல் மூன்றுநாள் வசூலே கிட்டத்தட்ட ஒரு கோடி ரூபாய் ஆகும்..எந்தவொரு தமிழ் படத்துக்கும் கனடாவில் இவளவு வசூல் கிடைத்ததில்லை..

இனி முதல் எழுநாள் வசூலை பற்றி சிறிது அலசுவோம்..சூப்பர் ஸ்டார் படம்,ரகுமான் இசை,சங்கர் கொடுத்த பில்டப் என அதீத எதிர்பார்ப்பை உலக தமிழ் மக்கள் மத்தியில் உருவாகியுள்ளது எந்திரன்..இதற்கு கனடா வாழ் தமிழ் மக்களும் விதிவிலக்கில்லை..ஏற்கனவே சிவாஜி இரண்டுவாரம் ஹவுஸ் புல்லாக ஓடியது..முதல் வாரத்தில் திரையிடப்படவுள்ள காட்சிகளில் 75 வீதமானவை ஹவுஸ் புல் காட்சிகள் என வைத்து கொள்வோம்..மீதிகாட்சிகளுக்கு 75 வீதமான டிக்கட்டுகள் வில்படுவதாக வைத்துகொள்வோம்..மேலே கூறியது போல படம் பார்க்க வருவோரில் வீதமானோர் பெரியவர்கள் எனவும் வீதமானோர் சிறுவர்கள் என்றும்
வைத்து கணகிட்டால் ஹவுஸ் புல் காட்சிகள் மூலம் கிடைக்கும் வசூல் $347737
{(83x400x0.9x10.75)+(83x400x0.1x17.99)} ஆகும்..மீதிகாட்சிகள் மூலம் கிடைக்கும் வசூல் $87982 {(28x400x0.9x0.75x10.75)+(28x400x0.1x0.75x7.99)} ஆகும்..எனவே முதல் வாரத்தின் மொத்த வசூல் $435719 ஆகும்..இந்திய மதிப்பில் இது சுமார் ரூபாய் 1,74,28,760 ஆகும்..கிட்ட தட்ட ஒன்றே முக்கால் கோடி ரூபாய்களை முதல் எழு நாட்களில் கனடாவில் எந்த ஒரு இந்திய படமும் வசூல் செய்ததில்லை..

இது டொராண்டோவில் உள்ள முக்கி நான்கு திரையரங்குகளை வைத்து கணிக்கப்பட்ட வசூல் ஆகும்..இதில் ஏனைய நகரங்களோ,சிறிய திரயரன்குகளோ உள்ளடக்கப்படவில்லை என்பது குறிப்பிடத்தக்கது.நான்கு தியேட்டர்களில் எழு நாட்களில் ஒன்றே முக்கால் கோடி வசூல் என்றால் உலகம் முழுவதும் 3000தியேட்டர்களில் எழு நாட்களில் வசூல் எவளவு இருக்கும்? ..படம் வெற்றியோ,தோல்வியோ,எந்திரன் வசூல் மழையில் நனையபோவது மட்டும் உறுதி..

கேரளாவில் 125 தியேட்டரில் எந்திரன் டிக்கெட் காலி.!!

2010-09-28T23:22:00.000-04:00

கேரளாவில் எந்திரன் படத்திற்கான முன்பதிவு நேற்று தொடங்கியது. சில மணி நேரத்திலேயே 2 நாட்களுக்கான அனைத்து காட்சிகளுக்கும் டிக்கெட் விற்றுத் தீர்ந்தது.

கேரளாவி்ல் எந்திரன் படம் 125 தியேட்டர்களில் வெளியாகிறது. இது கேரள சினி்மா வரலாற்றில் புதிய சாதனை ஆகும். மலையாளத் திரைப்பட வரலாற்றில் இதுவரை எந்த ஒரு படமும் 100 தியேட்டர்களுக்கு மேல் திரையிடப்பட்டதில்லை. முதல் முதலாக எந்திரன் தான் இந்த சாதனையை படைத்துள்ளது.

திருவனந்தபுரம், கொச்சி, பாலக்காடு, கோழிக்கோடு ஆகிய இடங்களில் உள்ள நியூ, தான்யா, அஜந்தா ஆகிய 5 தியேட்டர்களில் எந்திரன் பட முன்பதிவு நேற்று காலை 11 மணிக்கு தொடங்கியது. ஆனால் காலை 9 மணிக்கு முன்பாகவே ரஜினி ரசிகர்கள் தியேட்டர் முன் குவிந்தனர்.
முன்பதிவு தொடங்கிய சில மணி நேரத்தில் 5 தியேட்டர்களிலும் 2 நாட்களுக்கான அனைத்து காட்சிகளுக்கும் டிக்கெட் விற்றுத் தீர்ந்தன. இதே போல் மற்ற பகுதிகளிலும் 2 நாட்கள் காட்சிக்கான டிக்கெட்கள் விற்றுத் தீர்ந்தன.

இது குறித்து அஞ்சலி, அதுல்யா தியேட்டர்களின் மேலாளர் அசோகன் கூறுகையி்ல், இதற்கு முன் எந்த படத்திற்கும் முன்பதிவு செய்யப்பட்டதில்லை. எந்திரன் படம் இந்த புதிய சாதனையை படைத்துள்ளது. முன்பதிவு தொடங்கிய சில மணி நேரத்திலேயே 2 நாட்களுக்கான அனைத்து காட்சிகளுக்கும் டிக்கெட்கள் விற்று தீர்ந்து விட்டன என்றார்.

தமிழ் நாட்டு நிலவரம்..
திரையுலகம் இதுவரை காணாத பெரும் வசூல் சாதனையைச் செய்து வருகிறது சூப்பர் ஸ்டார் ரஜினியின் எந்திரன் திரைப்படம்.

இந்த சாதனைகளை முறியடிக்க இனியொரு படத்தை ரஜினியைத் தவிர வேறு யாராலும் தரமுடியுமா என்ற கேள்விதான் இன்று கோடம்பாக்கத்தில் பிரதானமாக எழுந்து நிற்கிறது. டிக்கெட் விற்பனையில்தான் இந்தப் புதிய சாதனை.

சென்னை அபிராமி மெகா மாலில் 20 நிமிடங்களில் 8 நாட்களுக்கான மொத்த டிக்கெட்டுகளும் விற்றுத் தீர்ந்தன. நான்கு மணி நேரத்தில் ரூ 50 லட்சத்தை எந்திரன் வசூல் செய்திருப்பதாகவும், இது இந்தியத் திரையுலகில் முன்னெப்போதும் நிகழாத பெரும் சாதனை என்றும் அபிராமி ராமநாதன் தெரிவித்துள்ளார்.

தமிழகத்தின் மற்ற திரையரங்குகளில் முன்பதிவு துவங்கிய ஒரு மணி நேரத்தில் ஒரு வாரத்துக்கான டிக்கெட்டுகள் விற்பனையாகிவிட்டன. வெள்ளிக்கிழமை நள்ளிரவிலிருந்தே ரசிகர்கள் திரண்டு வந்து இரவு முழுக்க விழித்திருந்து காலை ஒன்பது மணிக்கு முன் பதிவு தொடங்கியதும் டிக்கெட் வாங்கிச் சென்ற காட்சியை பல தியேட்டர்களில் காண முடிந்தது.

"நிறைய தியேட்டர்களில் திரையிடுவதால் ரசிகர்கள் நெருக்கடி இருக்காது என்று நினைத்தோம். மாறாக அதிகாலையிலேயே கூட்டம் திரண்டுவிட்டது. கேட்டுக்கு வெளியில் ஏராளமான ரசிகர்கள் நிற்பதால் போக்குவரத்துக்கு இடைஞ்சல் ஏற்படுவதாக போலீசார் கூறியதும், கதவை திறந்து வளாகத்தின் உள்ளே அனுமதித்தோம். கவுன்டர்கள் திறக்கும்வரை ரசிகர்கள் அமைதியாக காத்திருந்ததை பாராட்டாமல் இருக்க முடியாது" என ஒரு தியேட்டர் காம்ப்ளக்ஸ் நிர்வாகி குறிப்பிட்டார்.

சத்யம் காம்ப்ளக்சில் மாணவ மாணவிகள், ஐ.டி துறை இளைஞர்கள் அதிகமாகக் காணப்பட்டனர். அருகில் புதிதாகத் திறக்கப்பட்டுள்ள எஸ்கேப் சினிமாவின் அனைத்து கவுண்டர்களிலும் எந்திரன் டிக்கெட்டுகள் வழங்கப்பட்டதால் வெறும் 10 நிமிடத்தில் ஒரு வாரத்துக்கான மொத்த டிக்கெட்டுகளும் விற்றுவிட்டன. இதனால் ஏராளமானோர் ஏமாற்றத்துடன் திரும்பிச் சென்றனர்.

உதயம், காசி தியேட்டரில் இளம் ரசிகர்கள் கும்பல் கும்பலாக நின்று கோஷமிட்டபடி காத்திருந்தனர். இங்கு அதிகாலை 3 மணியிலிருந்தே கூட்டம் கூட்டமாக ரசிகர்கள் வரத் துவங்கியது குறிப்பிடத்தக்கது. இவர்களில் பலர் ரசிகர் மன்ற பேட்ஜ் அணிந்து வந்திருந்தனர்.

கமலா தியேட்டர் அதிபர் சிதம்பரத்தின் மகன் கணேஷ் கூறுகையில், `முன்பதிவு தொடங்கிய சில நிமிடங்களிலேயே இரண்டு வாரத்துக்கான டிக்கெட்டுகள் விற்பனையாகிவிட்டன. ஆன்லைனில் அதிக ரசிகர்கள் வந்ததால், சர்வர் ஹேங்காகி விட்டது. 40 வருடத்தில் இப்படியொரு வரவேற்பை எந்த படத்துக்கும் பார்த்ததில்லை` என்றார். கமலா மட்டுமல்ல, அபிராமி உள்ளிட்ட பல திரையரங்குகளின் இணையதளங்கள் நேற்று முழுக்க முடங்கிப் போயின.

சத்யம் தியேட்டர் காம்ப்ளக்ஸ் துணை தலைவர் முனி கண்ணையா, `சென்னை மற்றும் புறநகர்களில் 70-க்கும் மேற்பட்ட தியேட்டர்களில் `எந்திரன்` திரையிடப்படும் நிலையில் இவ்வளவு பெரிய கூட்டத்தை முன்பதிவில் எதிர்பார்க்கவில்லை. ஒரு வாரத்துக்கான டிக்கெட்டுகள் ஒரு மணி நேரத்தில் முன் பதிவு செய்யப்பட்டுள்ளது,` என்றார்.

கோவை கங்கா, யமுனா தியேட்டர்களில் காலை 6.30க்கு ரசிகர்கள் நீண்ட வரிசையில் நின்றிருந்தனர். தொடர்ந்து கூட்டம் அதிகரித்ததால், 8 மணிக்கே வினியோகம் துவங்கியது. ஒரு மணி நேரத்தில் 1 வாரத்துக்கான டிக்கெட்டுகள் விற்கப்பட்டுவிட்டன.

மதுரை, திருச்சி, திருநெல்வேலி, சேலம் உட்பட முக்கிய நகரங்கள் அனைத்திலும் இதே போன்ற உற்சாகத்துடன் ரசிகர்கள் டிக்கெட் முன்பதிவு செய்தனர்.
வேலூர் மற்றும் திருப்பத்தூர் நகரங்களில் பொதுவாக எந்தப் படத்துக்கும் முன் பதிவு செய்யப்படுவதில்லை. ஆனால் சூப்பர் ஸ்டாரின் எந்திரன் படத்துக்கான டிக்கெட்டுகள் அடுத்த 8 நாட்களுக்கு ரிசர்வ் செய்யப்பட்டுள்ளது புதிய வரலாறு என்கிறார்கள். திருப்பத்தூர் மீனாட்சி திரையரங்கில் ஏராளமான ரசிகர்கள் கூடி, டிக்கெட்டுக்குக் காத்திருந்தனர்.

நன்றி:www.viduppu.com

பிரபலங்களின் கையெழுத்துக்கள்-2

2010-09-27T23:20:00.000-04:00

இந்திய பிரபலங்களின் கையெழுத்துக்கள்...

ஹாலிவூட் பார்வை-தி மிஸ்ட்(The Mist)

2010-09-26T23:49:00.000-04:00

1980ம் ஆண்டு பிரபல அமெரிக்க எழுத்தாளர் ஸ்டீபன் கிங்கின் பிரபல நாவலை அடிப்படையாக வைத்து 2007ம் ஆண்டு நடிகர் தாமஸ் ஜேனின் நடிப்பில் வெளிவந்த திகில் படம் தான் தி மிஸ்ட்..

மனிதனின் மிகவும் அடிப்படை உணர்வான பயத்தை பற்றி அழகா கூறும் படம்..அமெரிக்காவில் உள்ள ஒரு சிறிய கிரமாத்தில் அடிக்கும் பயங்கர புயலுடன் ஆரம்பிக்கிறது படம்..திரைப்படங்களுக்கு போஸ்டர் டிசைன் செய்யும் தொழில் செய்பவர் டேவிட்(தாமஸ் ஜேன்) தனது மனைவி,மகன் சகிதம் ஓர் ஆற்றங்கரை அருகில் உள்ள வீட்டில் வசிக்கிறார்..புயல் அடித்த இரவு டேவிட் குடும்பம் சகிதமாக நிலத்தடி அறையில் இரவை கழிக்கிறார்..மறுநாள் விடிகையில் வெளியே வந்து பார்க்கும்போது புயலினால் வீடு பலத்த சேதம் அடைந்து காணபடுகிறது...

அப்போது ஆற்றில் வெகுதொலைவில் ஒரு வெள்ளை நிற அடர்ந்த புகை அந்த கிராமத்தை நோக்கி வந்துகொண்டிருந்தது..மனைவியை வீட்டில் விட்டுவிட்டு மகனை அழைத்து கொண்டு பக்கதுவீட்டுகாரர் சகிதம் சூப்பர் மார்க்கெட்டுக்கு சாமான் வாங்க செல்கிரரர் டேவிட்..செல்லும் வழியில் இராணுவ வாகனங்களும் போலீசும் வேகமாக சென்றுகொண்டிருந்தன..
சூப்பர் மார்கெட் கூட்டத்தினால் நிரம்பி வழிந்தது..அங்கு இவர்கள் சாமான் வாங்கி கொண்டிருக்கையில் திடீரென்று பாரிய நிலநடுக்கம் ஏற்படுகிறது..சில வினாடிகளின் பின்னர் நிலநடுக்கம் நின்றுவிடுகிறது..சிறிது நேரத்தின் பின்னர் ஒரு வயதான மனிதர் மூக்கில் இரத்தம் வழிய அலறியபடியே ஓடி வந்தார்..

உள்ளே வந்து வெண்புகார் தன்னை துரத்துவதாகவும்,அதனுள்ளே இருந்து எதோ தன்னை இழுத்ததாகவும் கூறுகின்றார்.. அவர் கூரிகொன்டிருக்கும் போது மிகவும் அடர்த்தியான வெண்புகார் அந்த பகுதி எங்கும் பரவியது..அப்போது ஒருவர் பதறியடித்துகொண்டு தனது காரை நோக்கி ஓடினார்..சிறிது நேரத்தில் அவரது அலறல் சத்தம் கேட்டது..உடனே எல்லோரும் பதறியடித்துகொண்டு சூப்பர் மார்கெட்டின் கதவுகளை சாத்துகின்றனர்..ஓவொருவரும் வெண்புகார் பற்றி வேறுபட்ட கருத்துக்களை கூறுகின்றனர்..சிலர் அது ஊருக்கு ஒதுக்குபுறமாக இருக்கும் கெமிகல் பாக்டரி வெடித்தால் வந்ததென்றனர்..

சிலரோ இது இராணுவத்தின் இரகசிய சோதனையின் பின்விளைவென்றனர்.. எங்கும் மயான அமைதி நிலவியது...அப்போது டேவிட் சூபர்மார்கேட்டின் பின்பகுதிக்கு செல்கிறார்..அப்போது பின்கதவை எதோ பலமாக இடித்தது..உடனே டேவிட் இதை மற்றவர்களுக்கு கூறுகின்றார்..சிலர் இதை நம்ப மறுத்து டேவிட்டுடன் வாக்குவாத படுகின்றனர்..அதில் ஒரு இளைஞன் போய் பின்கதவை திறந்து வெளியே எட்டி பார்க்கின்றான்..அப்போது ஒரு பாரிய ஒக்டோபசை ஒத்த மிருகத்தின் கால் வந்து அந்த இளைஞன் ஐ இழுத்து செல்கிறது..உடனே இவர்கள் அவசரமாக கதவை சாத்திவிட்டு திரும்பி ஓடுகின்றனர்..அப்போதுதான் எல்லோருக்கும் அந்த வெண்புகாருக்குள் கொடிய மிருகங்கள் இருப்பது தெரியவந்தது..வேற்றுகிரக வாசிகளை ஒத்த அந்த மிருகங்கள் பூமிக்கு எப்படி வந்தன?இவர்கள் தப்பிக்க எடுக்கும் போராட்டங்கள் ஆகியவற்றுக்கான விடையுடன் முடிவடைகிறது படம்....சற்றும் எதிர்பார்க்காத கிளைமாக்ஸ் அதிரவைகிறது..

ஒரு மனிதன் அதீத பயத்திற்கு உட்படும் போது எவ்வாறு நடந்துகொள்வான் என மிக அழகாக இந்த படம் கூறுகிறது..மூன்று வகையான மனிதர்களை இந்த படத்தில் காணமுடியும்..ஒன்று அதீத பயத்தில் மூலைக்குள் இருந்து அழும் ரகம்,இரண்டாவது மனதுக்குள் பயம் இருந்தாலும் தன்னை பெரிய தைரியசாலி போல காட்டிகொள்ளும் ரகம்,மூன்றாவது நிலமைக்கேற்றவாறு சிந்தித்து முடிவெடுக்கும் ரகம்... வேற்றுகிரக மிருகங்கள் தரும் திகிலை விட பைபிளை படித்து அதன் மேலே பைத்தியமாக அலையும் அந்த பெண்மணி தரும் திகில் பயங்கரம்..பயத்தில் உறைந்துபோய் இருக்கும் மக்களிடம் தன்னை இறைவனின் பாத்திரமாக உருவகபடுத்தி இவர் செய்யும் அட்டூழியங்கள் திகில் ரகம்.. தனக்கு எதிராக பேசுபவர்களை இறைவனின் எதிரிகள் என சித்தரித்து ஏனையோரை அவர்களுக்கு எதிராக திசை திருபிவிடுகிறார் இவர்..மிருகங்கள் கொன்றதை விட தங்களுக்குள் அடித்துக்கொண்டு இறந்தவர்கள் அதிகம்..

பயம் என்ற உணர்வு எவ்வாறு ஒரு மனிதனை மாறுகின்றது என்பதை காட்சியமைப்புக்கள் தெளிவாக காட்டுகின்றன..ஒரு மனிதன் அதீத பயத்துக்கு உட்படும் போது அவனுடைய மனம் எவளவு பலகீனமானது என்பதையும்,யார் வேண்டுமானாலும் அவனை கட்டுபாட்டுக்குள் கொண்டுவரமுடியும் என்பதையும் அந்த பைத்தியகார பெண்மணியின் கதாபாத்திரம் அருமையாக விளக்குகின்றது..சற்றும் ஏதிர்பாராத கிளைமாக்ஸ் நெஞ்சை கனக்க வைக்கிறது..

தவறாமல் பார்க்க வேண்டிய ஒரு படம்...திகில் நிச்சயம்..

புதிய வைரஸ் எச்சரிக்கை...

2010-09-26T22:16:00.000-04:00

கூகுள், நாசா,டிஸ்னி, கோகா கோலா போன்ற மிகப் பெரிய பாதுகாப்பான நிறுவனங்களை எல்லாம் பாதித்த வைரஸ் ஒன்று இப்போது உலகெங்கும் பரவி வருகிறது.

“Here You Have” என்று பெயர் வைக்கப்பட்டுள்ள இந்த வைரஸ், இந்த சொற்களை சப்ஜெக்ட் பெட்டியில் கொண்டு வரும் இமெயில்கள் மூலம் பரவுகிறது. உங்கள் நண்பரின் மின்னஞ்சல் முகவரியிலிருந்து வரும், மின்னஞ்சல் கடிதமாக இது இன் பாக்ஸை வந்தடைகிறது. அதில் “நீங்கள் கேட்ட பாலியல் பட பைல் இதோ இங்குள்ளது’ என்று ஒரு பிடிஎப் பைலுக்கு லிங்க் தருகிறது. இது பிடிஎப் பைலே அல்ல. .scr. என்ற துணைப்பெயருடன் உள்ள ஒரு கோப்பு. விண்டோஸ் ஸ்கிரிப்ட் அடங்கிய வைரஸ் கோப்பு.

இது CSRSS.EXE என்னும் கோப்பினை உங்கள் விண்டோஸ் டைரக்டரியில் பதிக்கிறது. இயங்கத் தொடங்கியவுடன் உங்கள் ஆண்ட்டி வைரஸ் கோப்பின் இயக்கத்தை நிறுத்துகிறது. இது ஒரு பாட்நெட் வகை வைரஸ். ஆனால் பழைய நிம்டா, அன்னா கோர்னிகோவா (2001 ஆம் ஆண்டு) மற்றும் மெலிஸ்ஸா வைரஸ் போல பரவுகிறது. ஆர்வத்தில் அல்லது ஆசையில் இதில் உள்ள லிங்க்கில் கிளிக் செய்தவுடன் இந்த வைரஸ் உங்கள் கம்ப்யூட்டரில் வந்து இறங்குகிறது. அடுத்து உங்கள் இமெயில் முகவரி ஏட்டில் உள்ள அனைத்து முகவரிக்கும் இதே போல ஒரு செய்தியை அனுப்புகிறது. இது கடந்த செப்டம்பர் 10 முதல் உலகெங்கும் பரவி வருகிறது. தேடுதல் தளங்களில் தேடப்பட்ட தகவல்களில் இந்த தகவல் தான் இரண்டாம் இடம் கொண்டிருந்தது. SANS Technology Institute என்ற நிறுவனத்தின் இன்டர்நெட் கண்காணிப்பு பிரிவு, இந்த இமெயில் டன் கணக்கில் பரவுவதாக அறிவித்துள்ளது. மெக் அபி நிறுவனம் இந்த வைரஸ் குறித்து முழுமையாக அறிய சில நாட்கள் ஆகும் என்று தெரிவித்துள்ளது. இந்த வைரஸ் பாதிப்பால் Comcast என்ற கம்ப்யூட்டர் நிறுவனம் தன் இமெயில் சர்வர்களை எல்லாம் மூடிவிட்டது.

இந்த வைரஸை அனுப்பிய சர்வர் மூடப்பட்டுவிட்டது. அதிலிருந்து இந்த வைரஸ் கோப்பு எடுக்கப் பட்டிருக்கலாம். ஆனாலும், ஏற்கனவே பரவிய கம்ப்யூட்டர்களிலிருந்து இந்த வைரஸ் இன்னும் உலகம் முழுவதும் பரவி வருகிறது.

இதிலிருந்து எப்படி தப்பிப்பது?

நல்ல ஆண்ட்டி வைரஸ் தொகுப்பினை பதிந்து இயக்குங்கள். ஏற்கனவே பதிந்திருந்தால், உடனே அப்டேட் செய்திடவும். இமெயில் இணைப்புகள் எது வந்தாலும் திறப்பதற்காக முயற்சி எடுக்க வேண்டாம். அனுப்பியவருக்கு தனி இமெயில் அனுப்பி, அனுப்பியதை உறுதி செய்து கொண்டு பின் திறக்கவும். “Here you Have” அல்லது “Just For You” என்று இருந்தால் எந்த சலனமும் இல்லாமல், முற்றிலுமாக அழித்துவிடவும். இந்த வைரஸ், நார்டன்/சைமாண்டெக் ஆண்ட்டி வைரஸ் தொகுப்புகளால் பாதுகாக்கப்பட்ட கம்ப்யூட்டர்களில் பரவ முடியவில்லை என்று ஒரு செய்தியும் வந்துள்ளது. இருப்பினும் இமெயில்களைக் கவனமாகக் கையாளுங்கள்.

காமன்வெல்த் 2010- இந்தியாவின் தேசிய அவமானம்..

2010-09-23T23:27:00.000-04:00

டெல்லியில் நடைபெற இருக்கும் காமன் வெல்த் போட்டிகளை பற்றி சர்ச்சைகளை கிளப்பியிருக்கும் அதிர்ச்சியூட்டும் படங்கள்..படத்தை பார்த்தாலே புரியும் ஊழலின் ஆழம் எவளவென்று...

Source:http://www.guardian.co.uk/sport/gallery/2010/sep/23/commonwealth-games-delhi-athletes-village#/?picture=366982937&index=0

சினிமா துணுக்குகள்....

2010-09-23T09:07:00.000-04:00

மிஷ்கின் வேணாம்...கண்டிப்பு காட்டிய கார்த்தி

அண்ணன் சிங்கம்னா தம்பி சிறுத்தையா கர்ஜிக்கிறார். பிரபல ஒளிப்பதிவாளர் சிவா இயக்குகிற படம்தான் இந்த சிறுத்தை. ஊரே ஒண்ணு கூடி தமுக்கடிச்சாலும், கமுக்கமா இருந்தாதான் காரியம் நடக்கும்னு நினைச்சிருப்பாரு போல. முந்தைய படமான பையா பட ஜோடியான தமன்னாவையே இந்த படத்திலும் ஜோடியாக்கிக் கொண்டார் கார்த்தி. (இந்த சாக்பீஸ்ல இருந்து உழைப்பை நீக்கிட்டா வெறும் சுண்ணாம்புதான் மிஞ்சும்ங்கிற பேராண்மை பட டயலாக் ஏனோ இங்க ஞாபகம் வந்து தொலையுது வாத்யாரே...) இதில் யூனிபார்ஃம் போடாத போலீஸ் ஆபிசரா நடிக்கிறார் கார்த்தி.

கிட்டதட்ட இதே கெட்டப்தானாம் வேட்டை படத்தின் ஹீரோ ஆர்யாவுக்கும். அதனால்தான் லிங்குசாமியுடன் சேர்ந்து படம் பண்ணலாம் என்று பேசி முடிவெடுத்த கார்த்தி, "சிறுத்தையிலும் போலீஸ். வேட்டையிலும் போலீஸ்னா சரியா வராது" என்று ஒதுங்கிக் கொண்டாராம். இதற்கிடையில் நேமிசந்த் ஜபக் தயாரிக்கும் புதிய படம் ஒன்றில் நடிக்க சம்மதித்திருக்கிறார் கார்த்தி.

நா.ம.அ படத்தை ரிலீஸ் செய்து கொடுத்த வகையில் சேட் பாக்கெட்டில் எலி கடி! அந்த ஓட்டையை அடைக்கதான் இந்த அட்ஜஸ்ட்மென்ட் என்கிறார்கள். யாரை இயக்குனராக போடலாம் என்று ஒரு லிஸ்ட் தயாரித்தாராம் ஜபக். அதில் ஒரு இயக்குனரின் பெயரை படித்தவுடன் பேனாவால் அந்த பெயரை அடித்தாராம் கார்த்தி. அவர் மிட் நைட்டிலும் கூலிங் கிளாஸ் போடும் 'குட் நைட் கண்ணன்' மிஷ்கின்தான் என்கிறது கோடம்பாக்கத்து குருவி!

எந்திரன் டிக்கெட் ரேட்...ஆறுதல் தரும் புதிய செய்தி!

இன்னும் கொஞ்ச நாட்கள்தான் இருக்கிறது எந்திரன் ரிலீசுக்கு. அதற்குள் இந்த படத்தின் டிக்கெட் முதல் நாளே எவ்வளவு ரூபாய்க்கு விற்கும் என்று கணக்கு போட்டு கணக்கு போட்டு வாயை பிளக்க ஆரம்பித்திருக்கிறார்கள் ரசிகர்கள். இத்தனைக்கும் கொஞ்சம் பெரிய மண்டபம் கிடைத்தால் அங்கேயும் ஒரு ஸ்கிரீன் கட்டி படம் போட்டுவிடுவார்களோ என்று அஞ்சுகிற அளவுக்கு திரும்புகிற இடத்திலெல்லாம் ரிலீஸ் பண்ணப் போகிறார்களாம் எந்திரனை.

அப்படியிருந்தும் டிக்கெட் கிடைக்குமா என்ற கவலை ரசிகர்களை வாட்ட ஆரம்பித்திருக்கிறது.சென்னை மாவட்ட விநியோக உரிமையை பெற்றிருக்கும் திமுக மாவட்ட செயலாளர் ஜெ.அன்பழகன் மேலும் சில கோடிகள் அதிகம் வைத்து இப்படத்தை சத்யம் நிறுவனத்திற்கு விற்றுவிட்டாராம். சென்னையில் மட்டும் முதல் ஒரு வாரத்திற்கு டிக்கெட் ரேட் தாறுமாறாக இருக்கும் என்று கவலைப்படும் ரசிகர்களுக்கு முதல்வர் போட்ட வாய் மொழி உத்தரவு ஒன்று ஆறுதல் அளிக்கக்கூடும்.

கவர்மென்ட்டுக்கு கெட்ட பேரு வர்ற மாதிரி எந்த தியேட்டர்காரர்களும் நடந்துக்க வேணாம். டிக்கெட் விலையை அதிகப்படுத்தி விற்பதை அனுமதிக்க முடியாது என்று முதல்வர் கூறியிருப்பதாக தகவல்கள் உலவுகின்றன. இந்த நல்ல செய்தி ரசிகர்களை நிச்சயம் சந்தோஷத்தில் ஆழ்த்தியிருக்கும்.

பெரிய வீட்டு கல்யாணம்..பொருமுகிறார் போட்டோகிராபர்

கோடம்பாக்கத்தில் சமீபத்தில் நடந்த மிகப்பெரிய கல்யாணம் அது. அரசியல் தலைவர்கள், சினிமா பிரபலங்கள் என்று பலரும் வந்திருந்ததால் மண்டபமே 'சூப்பராக' காட்சியளித்தது. ஆனை, அம்பாரி, அதிர வைக்கும் வாத்தியங்கள் என்று ராஜபோக திருமணத்தை அப்படியே படம் பிடித்துக் கொடுக்க ஆளாளுக்கு ஆசைப்பட்டார்களாம். இதற்காக முன்னணி போட்டோ ஸ்டுடியோக்களும் வீடியோ கிராபர்களும் வரிந்து கட்டிக் கொண்டு வாய்ப்பு கேட்டார்களாம். ஆனால் பெண்ணின் அப்பா மனசில் ஒருவர் மட்டுமே இருந்தார்.

அதனால் 'யோகம்' அவருக்கே அடித்தது. அவரை நேரில் வரவழைத்த அப்பா, இந்த கல்யாணத்துக்கு வர்றவங்களையும், நிகழ்ச்சிகளையும் ஒரு பிரேம் விடாம எடுத்துக் கொடுக்கணும் என்றாராம். ஆஹா. இதல்லவோ சூப்பர் வாய்ப்பு என்று தன்னை தானே தட்டிக் கொடுத்துக் கொண்ட புகைப்படக்காரர் மாய்ந்து மாய்ந்து படம் எடுத்தார்.
திருமணம் முடிந்து கிட்டதட்ட ஒரு மாதம் ஆகிவிட்டது.

பணம் தானாக வரும் என்று காத்திருந்த யோகமான போட்டோகிராபர் இப்போது நடையாய் நடக்கிறாராம். எப்போ போனாலும் மேடம்தான் பதில் சொல்றாங்க. அப்புறம் வாங்களேன் என்று! சாருக்கு தெரிஞ்சா இப்படி இழுத்தடிக்க மாட்டாரு. ஆனால் நான் போகும்போதெல்லாம் அவரு இல்லையே என்று நொந்து போகிறாராம் போட்டோகிராபர்.

தள்ளிப் போடும் தமன்னா....தாங்க முடியாத ஹரி!

ஹீரோவுக்கு காய்ச்சல் வந்தால், ஹீரோயினுக்கு நெறி கட்டுமா? தமன்னாவிடம் கேட்டால் 'கட்டுமே' என்பார். தனுஷ் தற்போது நடித்துவரும் படங்கள் எல்லாமே கிட்டதட்ட முடிந்துவிட்டது. 'சிங்கம்' படம் வெளியான கையோடு தனுஷ் நடிக்கும் படத்தை இயக்க வேண்டிய ஹரி அவரது கால்ஷீட் கிடைக்காததால் தவித்துக் கொண்டிருக்கிறார். இவருடன் சேர்ந்து தவிப்பது தமன்னாவும்தானாம்.

திடீர் காய்ச்சல் வந்து படுத்த படுக்கையாக கிடந்த தனுஷ் மீண்டும் எழுந்து நடப்பதற்குள் ஒரு மாசம் ஓடிப் போய்விட்டது. இந்த ஒரு மாதம் ஹரி படத்திற்காக தமன்னா கொடுத்த தேதிகளும் ஸ்வாகா ஆகிவிட்டது. சர்ரென்று ஆந்திராவுக்கு பறந்துவிட்டார். அங்கும் சில படங்களில் நடிக்கிறாராம். அவற்றை முடித்துவிட்டு சென்னை திரும்பினாலும் தனுஷ் படத்தை கண்டு கொள்ள முடியாது. காரணம் கார்த்தி நடிக்கும் சிறுத்தை தயாராக இருக்கிறது தமன்னாவுக்கு. இந்த நிலையில் தமன்னாவையே மாற்றிவிடலாம் என்ற முடிவுக்கு வந்தாராம் ஹரி.

ஆனால் படிக்காதவன் வெற்றிக்கு பிறகு தனுஷ§டன் ஜோடி சேர்கிற படமாச்சே. வேறு ஒரு நடிகைக்கு விட்டுக் கொடுக்கவும் மறுக்கிறார் தமன்னா. மாசத்துக்கு அறுபது நாளு இருந்தா நல்லாயிருக்குமே என்று இவரும் இவரது மேனேஜரும் காலண்டரை கசக்கிக் கொண்டிருக்க, கையை பிசைந்து கொண்டிருக்கிறார் ஹரி.
இவங்க பிரச்சனையை சமாளிக்க முடியாமல் சுள்ளிக்கட்டுல மாட்ன பல்லி மாதிரி ச்சொவ் ச்சொவ்னு புலம்பிகிட்டு இருக்கார் தனுஷ்.

Source:www.tamilcinema.com

எந்திரன் கதை வெளியானது!-ஷங்கர்,கலாநிதிமாறன் அதிர்ச்சி!

2010-09-22T10:54:00.000-04:00

எந்திரன் கதை நேற்று பிரபல வெப்சைட்டில் வெளியானது ஷங்கரின் இயக்கத்தில் வெளியான படங்களில் முதன் முதலாக படம் வெளியாகும் முன்னரே கதை வெளியானது எந்திரன் மட்டுமே. செய்தி வெளியானது முதல் ஷங்கர் அலுவலகமும், சன் நெட்வொர்க் அலுவலகமும் அதிகப்படியான டென்சனில் இருக்கிறார்கள்.இது பற்றி தினத்தந்தி மூத்த பத்திரிகையாளர் ஒருவர் ஷங்கரிடம் பேட்டி காண தொடர்பு கொள்ள, அவர் மறுத்து விட்டார்.

சரி எந்திரன் கதை என்ன?

விஞ்ஞானி ரஜினி 10 வருடங்களாக கடுமையாக போராடி,தன்னைவிட 100 மடங்கு அறிவிலும்,திறமையிலும் மேன்பட்ட எந்திரனை உருவாக்குகிறார்.அந்த எந்திரன் 10 செகண்டில் ஒரு புத்தகத்தை மனப்பாடம் செய்து விடும்.அனைத்து விதமான சண்டைகளும் போடும்.அனைத்து விதமான நடனங்களும் ஆடும்.அனைத்து மொழிகளும் பேசும்.விஞ்ஞானி ரஜினியும் ஐஸ்வர்யா ராயும் காதலர்கள்.அவர்கள் காதல் புரிவதை ரோபோ ரஜினி ரசிக்கிறார்.கொஞ்சம் கொஞ்சமாக ஐஸ்வர்யாராயையும் ரசிக்கிறார்.

பிறகு உருகி உருகி காதலிக்கிறார்.ஐஸ்வர்யாராயிடம் சென்று தன் காதலை வெளிப்படுத்துகிறார்.அவர் அதிர்ச்சியுடன் அவருக்கு அறிவுரை சொல்கிறார்.நீ ஒரு எந்திரன்.நீ என்னை காதலிக்க முடியாது. நாம் சேர்ந்து வாழ முடியாது என சொல்ல ..எந்திரன் ரஜினி ஒத்துக்கொள்ள வில்லை.vமுன்னை விட தீவிரமாக காதலிக்கிறார்.விஞ்ஞானி ரஜினிக்கு இது தெரிந்ததும் கடுமையாக எதிர்க்கிறார்.இது நீ எனக்கு செய்யும் துரோகம்.உன்னை உருவாக்கியவன் நான்.எனக்கே துரோகம் செய்கிறாயா.. என ஆத்திரப்படுகிறார்.

அதற்கு எந்திரன்,மன்னிக்க வேண்டும்.நீங்கள் என்ன சொன்னாலும் நான் காதலிப்பதை கைவிட மாட்டேன் என சொல்ல விஞ்ஞானி ரஜினி திகைக்கிறார்.இதற்கிடையில் உடனே நாம் திருமணம் செய்ய வேண்டும் என ஐஸ்வர்யாராய் அவசரப்படுத்த நான் உருவாக்கிய எந்திரனை கண்டு நீ,பயப்படுகிறாயா என சிரிக்கிறார்.ஐஸ் பிடிவாதத்தால் அவசர திருமணத்திற்க்கு ஏற்பாடு செய்கிறார்.அதிர்ச்சி தரும் திருப்பமாக திருமண மண்டபத்தில் நுழைந்த எந்திரன் அனைவரையும் அடித்து நோறுக்கி விட்டு ஐஸ்வர்யாராயை கடத்த விஞ்ஞானி ரஜினி திகைப்புடன் பார்க்க அவரது நெற்றிப் பொட்டில் துப்பாக்கியை வைக்கிறார்எந்திரன் ரஜினி.

இடைவேளை

இதற்கிடையில் வில்லன் விஞ்ஞானி ரஜினியின் எந்திரன் ஃபார்முலாவை கைப்பற்றுகிறார்.அதன் மூலம் எந்திரனை தன் வசப்படுத்துகிறார்.சட்ட விரோத செயல்களுக்கு எந்திரனை பயன்படுத்துகிறார்.இதன் பிறகு தான் படம் ரொமாண்டிக் மூடிலிருந்து ஆக்சன் அதகளத்துக்கு மாறுகிறது.
சென்னையை அழிக்க வில்லன் குரூப் எந்திரனுக்கு தரும் அசைன்மெண்டை எந்திரன் நிறைவேற்றியதா..ஐஸ்வர்யராயை எந்திரனிடமிருந்து விஞ்ஞானி ரஜினி எப்படி காப்பாற்றினார் விஞ்ஞானி ரஜினி எந்திரனை தன் கட்டுப்பாட்டுக்குள் கொண்டு வந்தாரா என்பது தான் கதை.

Source:http://www.virakesari.lk/cinema/news/001view.asp?key=3088

இலங்கையில் வேரூன்றும் தலிபானிசம்....

2010-09-21T23:02:00.000-04:00

நடைபெற்ற உண்மை சம்பவங்களை வைத்து ஊகிக்கப்பட்ட ஒரு கட்டுரையே இது..

அண்மையில் இந்தியாவில் கைதான 29வயதான மிர்ஸா ஹிமாயட் பெய்க் எனும் நபர் கொடுத்த திடுக்கிடும் வாக்குமூலம் அனைவரையும் அதிர்ச்சிக்கு உள்ளாக்கியது...பூனேயில் உள்ள ஜேர்மன் பேக்கறி குண்டு வெடிப்பு வழக்கில் கைதான லஸ்கர் இ தொய்பா அமைப்பை சேர்ந்த இவர் கூறிய தகவல் தான் என்ன? இந்த தாக்குதலுக்கு இவர் இலங்கையில் பயிற்ச்சி எடுத்து கொண்டமையே அந்த தகவலாகும்... ...இவளவு காலமும் அண்டை வீட்டு பாகிஸ்தானை கண்ணில் எண்ணெய் ஊற்றாத குறையாய் கவனித்து வந்த இந்தியாவுக்கு தன கொல்லைபுறம்(இலங்கை) வழியாக தீவிரவாதம் ஊருவியுள்ளமை பேரதிர்ச்சியாக இருந்திருக்கும் என்பதில் ஐயமில்லை... இலங்கையில் இஸ்லாமிய தீவிரவாதிகளின்
ஊடுருவலின் பின்னணி என்ன என்பதை பற்றி சிறிது சிந்தித்து பார்ப்போம்..

இலங்கையில் ஜிஹாத் என்பது எண்பதுகளின் நடுப்பகுதிகளிலேயே ஊடுருவிவிட்டது..குறிப்பாக இலங்கையின் கிழக்குபகுதிகளில் முஸ்லிம்கள்
செறிந்து வாழும் பிரதேசங்களில் இஸ்லாமிய ஆயுத குழுக்களின் நடமாட்டம் பற்றி அப்பப்போ பத்திரிகைகளில் செய்தி வெளிவருவது உண்டு.. அல்கைதாவுடன் தொடர்புடைய லஸ்கர் இ தொய்பா இந்தியாவுக்கு எதிரான செயற்பாடுகளை இலங்கையில் இருந்து செய்வதற்கு பல காரணங்கள் உண்டு.. 2006ம் ஆண்டு இலங்கையில் அப்போது பாகிஸ்தானிய தூதுவராக இருந்த பஷீர் வாலி முகம்மது மீது நடத்தப்பட்ட கிளேமோர் தாக்குதல் எல்லோருக்கும் தெரியும்.அதில் முகம்மது மயிரிழையில் உயிர்தப்பினார்...ரோ உளவாளிகள் இந்த தாக்குதலை நடத்திவிட்டு விடுதலை புலிகள் மீது பழியை போட்டனர்... மூன்றாவது நாடொன்றில் தன்மீது நடத்தப்பட்ட தாக்குதலை பாகிஸ்தான் சற்றும் எதிர்பார்கவில்லை..இந்த சூழ்நிலையில் தான் பாகிஸ்தான் அரசு இலங்கை அரசுடன் ஒரு இரகசிய ஒப்பந்தத்தை மேற்கொண்டது..அப்போது மாவிலாறு பிரச்னையில் இருந்த ராஜபக்ச சகோதரர்கள் இதற்கு ஒப்புக்கொண்டனர்..அந்த ஒப்பந்தம் என்னவென்றால் "இந்தியாவுக்கு எதிரான செயற்பாடுகளை இலங்கையில் இருந்து செய்வதற்கு பாகிஸ்தானிய புலனாய்வு துறைக்கு இலங்கை இடமளிக்க வேண்டும்,இதற்கு கைமாறாக விடுதலை புலிகளுக்கு எதிரான போரில் பாகிஸ்தான் இலங்கைக்கு உதவி செய்யும்..."..

இஸ்லாமிய தீவிரவாதிகளை பாகிஸ்தான் உளவுத்துறை வளர்ப்பது உலகறிந்த விடயம்...மேலும் இலங்கை அரசு உள்ளநாட்டு பிரச்னையில் இந்தியாவின் தலையீட்டை விரும்பவில்லை..காரணம் தமிழ்நாட்டு மக்கள் மத்தியில் வலுப்பெறும் புலிஆதரவு கொள்கை...இந்த மாதிரியான ஒரு நிலையில் இலங்கை அரசுக்கு இந்தியாவை காட்டிலும் பாகிஸ்தானே முக்கியம்..ஒருவேளை இந்தியா இலங்கைக்கு எதிராக திரும்பினால் பாகிஸ்தானை வைத்து போராடலாம் என்பதே ராஜபக்சவின் திட்டம்.. ஒப்பந்தத்தின் படி பாகிஸ்தான் புலனாய்வுத்துறையின் தலைமையில் இஸ்லாமிய தீவிரவாதிகள் இலங்கைக்குள் நுழைந்தனர்..இலங்கையில் இருந்தபடியே இந்தியாவுக்கு எதிரான பயங்கரவாத செயல்கள் திட்டமிடப்பட்டன..கூடவே முக்கிய தீவிரவாத புள்ளிகளின் சந்திப்பும் இடம்பெற்றன.. தீவிரவாதிகள் பாகிஸ்தானில் இருந்துதான் வருவார்கள் என்று எதிர்பாத்திருக்கும் இந்தியாவுக்கு இலங்கை மூலம் உள்நுழைந்து அதிர்ச்சி கொடுப்பதே தீவிரவாதிகளின் திட்டம்..மேலும் பாகிஸ்தானில் அமெரிக்காவின் செல்வாக்கு நாளுக்கு நாள் அதிகரிக்க தொடங்கியதும் லஸ்கர் இ தொய்பா இலங்கை நோக்கி தனது தளத்தை மெதுவாக நகர்த்தியது..

இலங்கையுடன் பாகிஸ்தான் நெருங்கி பழகுவதை பொறுக்காத இந்தியா இவர்களின் நட்பை உடைக்க ஒரு திட்டம் தீட்டியது...அதுதான் கடந்த வருடம் இலங்கை கிரிக்கேட் அணிமீது பாகிஸ்தானில் நடத்தப்பட்ட தாக்குதல்..ரோ மூலம் நடத்தப்பட்ட தாக்குதலில் இலங்கை அணி வீரர்கள் மயிரிழையில் உயிர் தப்பினர்..இந்த தாக்குதல் மூலம் இலங்கை பாகிஸ்தான் நட்பை உடைத்து இலங்கையில் தனது ஆதிக்கத்தை நிலைநிறுத்துவதே இந்தியாவின் திட்டம்..இலங்கை அரசுடன் இணைந்து பாகிஸ்தான் புலனாய்வு துறை செயல்பட்டதால் றோவிற்கு சந்தேகம் ஏற்படவில்லை..ஏனெனில் இலங்கை அரசு இந்த விடயத்தை மறைக்க எடுத்து கொண்ட பகீரதபிரயத்தங்களினால் றோவினால் எதுவுமே செய்ய முடியவில்லை

இதே நேரம் அமெரிக்கா இந்த வருட ஆரம்பத்தில் இலங்கையில் லஸ்கர் இ தொய்பா செயல்பட்டு வருவதாக ஒரு அறிக்கை வெளியிட்டது..அதே காலபகுதியில் தான் புனேயில் உள்ள ஜேர்மனிய பேக்கரியில் தாக்குதல் நடத்தப்பட்டது..இந்த தாக்குதலில் கைதான சந்தேக நபரை விசாரித்த வேளையில் தான் இலங்கை அரசின் வேடம் புலப்பட்டது..சந்தேக நபர் இலங்கையில் பயிற்ச்சி பெற்றவர் என்ற விடயம் இந்தியாவை அதிர்ச்சியடைய செய்துள்ளது..ஆனால் இந்த குற்ற சாட்டை கோத்தபாய வன்மையாக நிராகரித்துள்ளார்..பகிரங்கமாக உலகின் கண்முனாலேயே நடந்த தமிழர் படுகொலையே மறுத்த கோத்தபாய,திரை மறைவில் நடந்த இந்த விடயத்தை ஒத்துகொள்ளுவார் என எதிர்பார்ப்பது முட்டாள்தனமாகும்..

இந்த நிலையில் சமீபத்தில் அமெரிக்க புலனாய்வு துறை ஒரு எச்சரிக்கையை வெளியிட்டிருந்தது..அதாவது இலங்கையில் பாகிஸ்தான் லஸ்கர் இ தொய்பாவை சேர்ந்த 200 போராளிகள் உள்ளதாக அந்த எச்சரிக்கை கூறுகிறது...இது இலங்கை அரசு மீது இருந்த சந்தேகங்களை மேலும் வலுப்பெற செய்கிறது..இலங்கையின் குள்ளநரி தனத்தை புரிந்துகொண்ட இந்தியா இனி ராஜபக்ச அரசை சந்தேக கண்ணோடுதான் பார்க்கும்..இந்த நிலையில் இந்தியா ஈழ தமிழகளுக்கு ஆதரவான நிலைபாட்டை எடுக்கும் என உறுதியாக கூறமுடியாது...அப்படியே இந்தியா ஈழதமிழர்களுக்கு ஆதரவான நிலைபாட்டை எடுத்தாலும் அது காலம் கடந்த ஞானமாகவே இருக்கும் இருக்கும் என்பதில் மாற்றுகருத்து கிடையாது...

உறவைத் தூண்டும் முத்தம்...(18+)

2010-09-20T23:39:00.000-04:00

காதல் ஸ்பரிசங்களில் பரிமாறப்படும் முக்கிய செயல் முத்தம். ஒரு தாய், தன் குழந்தைக்கு கொடுக்கும் முத்தத்திற்கும், ஒரு கணவன் தன் மனைவிக்கு கொடுக்கும் முத்தத்திற்கும், ஒரு காதலன் காதலிக்கு கொடுக்கும் முத்தத்திற்கும் நிறையவே வித்தியாசங்கள் உண்டு.

காதல் ஸ்பரிசங்களில் பரிமாறப்படும் முக்கிய செயல் முத்தம். ஒரு தாய், தன் குழந்தைக்கு கொடுக்கும் முத்தத்திற்கும், ஒரு கணவன் தன் மனைவிக்கு கொடுக்கும் முத்தத்திற்கும், ஒரு காதலன் காதலிக்கு கொடுக்கும் முத்தத்திற்கும் நிறையவே வித்தியாசங்கள் உண்டு.
முத்தத்தின் வெளிப்பாடு என்பது அன்பின் பரிமாற்றம் தான் என்றாலும், அதை கொடுக்கிறவர்களைப் பொறுத்தும், வாங்கிக் கொள்கிறவர்களைப் பொறுத்தும் மாறுபடுகிறது.

தாய் மகனுக்கு கொடுக்கும் முத்தம் பாசம் மட்டுமே கொண்டது. கணவன் மனைவிக்கு கொடுக்கும் முத்தத்தில் பாசத்துடன், காமமும் சேர்ந்தே இருக்கும். ஆனால், காதலர்களுக்குள் இந்த முத்தம் பரிமாறிக்கொள்ளப்படும் போது இந்த அன்பு, காமத்துடன் இன்னொன்றும் வந்து சேர்கிறது. அதுதான் எதிர்பார்ப்பு.துணை அடுத்து என்ன செய்யப் போகிறான் அல்லது என்ன செய்யப் போகிறாள் என்ற எதிர்பார்ப்பு காதலர்களுக்குள் இருப்பதால் அவர்கள் பரிமாறிக்கொள்ளும் முத்தத்தில் இனம் புரியாத ஈர்ப்பு இருக்கிறது.

இப்போதெல்லாம் முத்தத்தை எப்படி கொடுத்தால் `கிக்` அதிகமாக இருக்கும் என்று ஆராய்ச்சிகளே நடத்தப்படுவதால் பல வகையிலான முத்தங்கள் தோன்றிவிட்டன.காமசூத்ராவை தந்த வாத்சாயனாரின் `டிப்ஸ்'களையே அந்த முத்தங்கள் மிஞ்சிவிட்டன. அதற்கு சிறந்த உதாரணம் உதட்டோடு உதடு கவ்வும் `பிரெஞ்சு கிஸ்'.

இந்த முத்தத்தின் போது என்னென்ன மாற்றங்கள் இருவரது உடலுக்குள்ளும் நிகழ்கின்றன என்று ஒரு ஆய்வு மேற்கொண்டார்கள்.
பாலுறவின்போது ஆண், பெண் இருவரும் அடையும் உச்சக்கட்டத்தை, இந்த முத்தத்தை பரிமாறிக் கொள்ளும் போதும் அடையலாம் என்பதை நிரூபித்தது, அமெரிக்காவில் நடத்தப்பட்ட அந்த ஆய்வு.

அந்த ஆழமான முத்தத்தை பரிமாறும் போது, அதை பரிமாறும் ஆண்-பெண் இருவரது பால் சுரப்பிகளும் தூண்டப்படுவது அப்போது தெரிய வந்தது. பிரெஞ்சு கிஸ் இதழ்களோடு நின்று விடுவதில்லை மோகத் தீ பலமாக வீசி, இருவரது உடல்களும் பின்னிப் பிணைந்து விடுகின்றன. இன்றைய இளசுகள் இந்த முத்தத்தைத்தான் துணையிடம் விரும்புகிறார்களாம்.

பிற நாட்டினரைக் காட்டிலும் பிலிப்பைன்ஸ் காதலர்கள், நம்மவர்கள் காதலுக்கு மரியாதை செய்வதுபோல் முத்தத்திற்கு தனி மரியாதை கொடுக்கிறார்கள்.அவர்களுக்குள் காதல் தோல்வி ஏற்படும்போதும் கூட, அந்த முத்தத்திற்கு ஒரு அங்கீகாரம் கொடுக்கிறார்கள். அதாவது, காதலியானவள் தனது உள்ளாடையையும், காதலன் அவனது உள்ளாடையையும் அவர்களுக்குள் பரிமாறிக்கொண்டு பிரிந்து விடுகிறார்கள். அதன்பின்னர், இருவரும் சந்தித்துக் கொள்வதே இல்லை.
அதேநேரம், காதலி அல்லது காதலன் பற்றி எண்ணம் வரும்போதெல்லாம், அவள் அல்லது அவன் கொடுத்த உள்ளாடையை முத்தமிட்டு, தங்களது மனப்பாரத்தை இறக்கிக் கொள்கிறார்களாம்.

காமசூத்ராவை தந்த வாத்சாயனார் கூட, முத்தத்தை பற்றி அழகாக வர்ணிக்கிறார். "உணர்ச்சிகளின் எல்லையைத் தாண்டிய அவள், சண்டை இட்டுக்கொள்வது போல் அவனது தலை முடியை பற்றி இழுத்து, முகத்தோடு முகம் வைத்து, அவனது கீழ் உதட்டில் முத்தமிடுகிறாள். சித்தப்பிரமை கொண்டவள் போல் அவனது உடம்பெங்கும் கடித்துக் கொள்கிறாள். இந்த நேரத்தில் அவளது கண்கள் மூடியிருக்கும்...'' என்று, காதல் பாடம் சொல்லிக்கொப்டே போகிறார் வாத்சாயனார்.

பொதுவாக சொல்வது என்றால்... ஒவ்வொரு நாட்டினர் இடையேயும் முத்தம் வேறு வேறு வழிகளில் கையாளப்படுகிறது.பயன்படுத்தும் வழிகள் பலவாக இருந்தாலும், அந்த முத்தத்தால் கிடைக்கும் சுகம்-பரவசம் எல்லாம் ஒன்றாகவே இருக்கிறது.

Source:www.z9tech.com

பிரபலங்களின் கையெழுத்துக்கள்-1

2010-09-19T23:43:00.000-04:00

இந்திய பிரபலங்களின் கையெழுத்துக்கள்...

வீர மங்கைகள்-1

2010-09-18T23:53:00.000-04:00

ஒவ்வொரு நாட்டு இராணுவத்தையும் சேர்ந்த பெண் வீராங்கனைகளின் படங்கள்..சும்மா சொல்ல கூடாது..செம பிகருகள்...அசின்,திரிசா எல்லாம் வேலைக்காகாது...இவளவு அழகான பெண்களை சுட எதிரிக்கும் மனசு வராது...

Japan..

Italy

Isreal

Iran

Indonasia

Indiaaa....

Holland

Greece

France

Finland

Colombia

China

Chile

Cheq.Republic

Canada

Brazil

Belgiam

Bahrin

Austria

Australia

Algeria

கரடியனாறு வெடிப்பு சம்பவம்...பின்னணியில் இலங்கை அரசு?

2010-09-17T23:36:00.000-04:00

மட்டகளப்பு கரடியனாறு போலிஸ் நிலையத்தில் ஏற்பட்ட வெடிப்பு சம்பவத்தில் 25 பேர் மரணமடைந்தது எல்லோருக்கும் தெரியும்..சிலர் இதை விபத்து என்கிறார்கள்..சிலர் இது றோவின் கைங்கரியம் என்கிறார்கள்..ஆனால் ஆழமாக சிந்தித்து பார்த்தல்தான் இந்த சம்பவத்தின் பின்னால் இருக்கும் மர்மம் புலப்படும்..இந்த சம்பவத்தின் பின்னால் இலங்கையின் கரங்கள் இருப்பதற்கு நிறையவே காரணங்கள் இருக்கின்றன...

பிரித்தானியாவின் சனல் நிறுவனம் இலங்கை இராணுவம் அப்பாவி இளைஞர்களை சுட்டு கொல்லும் வீடியோ ஆதரத்தை வெளியிட்டதிலிருந்து ஆரம்பமாகியது பாசிச இலங்கை அரசின் கிலி...அதன் பின்னர் ஐரோப்பிய வர்த்தக சலுகை ரத்து,ஐநா சபை நிபுணர் குழு என்று இடி மேல் இடி விழுந்தது ராஜபக்சவிற்கு..போதா குறைக்கு புலம் பெயர் தமிழர்களின் போர்குற்ற விசாரணை நெருக்கடி..இந்த ஒரு இக்கட்டான நிலையில் தான் மகிந்தவிற்கு ஐநா சபையில் உரையாற்ற வேண்டி இருந்தது..மஹிந்த ஐநா சபைக்கு வருகிறார் என கேள்விப்பட்ட உடனேயே புலம் பெயர் தமிழர்கள் போர் குற்ற விசாரணை செய்ய என அமெரிக்க அரசுக்கு அழுத்தம் கொடுக்க ஆரம்பித்துவிட்டனர்...எங்கே தன்னை கைது செய்து விடுவார்களோ என்று பயத்தில் இருந்த மகிந்தவின் மாஸ்டர் பிளான் தான் இந்த வெடிப்பு சம்பவம்..

முதலில் இது விபத்தாக இருக்கமுடியுமா என ஆராய வேண்டும்...இவளவு அபாயகரமான வெடிபொருள் போலிஸ் நிலையத்தின் முன்பு வெட்ட வெளியில் இருந்தது ஏன்?இரண்டு கண்டெய்னர் டைனமெட் எனும்போது கிட்ட தட்ட அரை டன்னாவது இருக்கும்...ஒரு இராணுவ ஆயுத களஞ்சிய சாலையில் பாதுகாப்பாக வைத்திருக்க வேண்டிய அளவு டைனமைட்டை போலிஸ் நிலையத்தில் நிறுத்தி வைக்கவேண்டிய தேவை என்ன?இதை வைத்து பார்க்கும் போது இது ஒரு திட்ட மிட்ட செயலாகவே தெரிகிறது..தான் அமெரிக்காவில் இருக்கும் போது இப்படி ஒரு சம்பவம் நடைபெற்றால் உலகின் கவனத்தை திசை திருப்பலாம் என்பதே மகிந்தவின் திட்டம்..இதற்கு ஆதாரமாக மகிந்தவின் ஒரு கூற்றே இருக்கிறது...ஒரு இணையதளத்தில் நான் படித்த செய்தி என்ன வென்றால் மஹிந்த இந்த விபத்திற்கு கண்டனம் தெரிவித்திருக்கிறாராம்..எல்லோரும் விபத்திற்கு வருத்தம் தான் தெரிவிப்பர்..தாக்குதலுக்கு தான் கண்டனம் தெரிவிப்பது வழக்கம்..இது ஒரு தாக்குதல் போன்ற ஒரு மாயையை எல்லோர் மத்தியில் உருவாக்குவதே மகிந்தவின் கூற்றின் உள்நோக்கம் ஆகும்.... இந்த விபத்து நாடகத்தின் மூலம் மஹிந்த ஒரு கல்லில் பல மாங்காய்களை வீழ்த்த நினைக்கிறார்..

எல்லா சிங்கள தலைவர்கள் போலவே இவரும் புலிக்கதை கூறியே அரசியல் நடத்தி வந்தார்..போர் முடிந்து 14 மாதங்கள் ஆகின்ற வேளையில் தென்னிலங்கை சிங்கள மக்கள் மத்தியில் புலி போதை மெதுவாக குறைந்து வருகிறது. தென்னிலங்கை சிங்கள மக்கள் பட்டாசு சத்தத்தை கேட்டாலும் புலிகள் குண்டு வைத்ததாக தான் அலறுவார்கள்....தானும் தான் சகோதர்கள் நடத்தும் ஊழல்கள் பற்றி சிங்களம் எங்கே கேள்வி கேட்டு விடுமோ என்ற பீதியில் மீண்டும் புலி பயத்தை ஏற்படுத்தும் முயற்சியே இந்த வெடிப்பு... அவசரகால சட்டத்தை நீக்க சொல்லி எழும் அழுத்தங்களையும் இந்த வெடிப்பு சம்பவம் மூலம் இல்லாமல் செய்வதே மகிந்தவின் கணிப்பாகும்.. மேலும் இந்த வெடிப்பு சம்பவத்திற்கு இந்திய உளவுபடையான ரோ தான் காரணம் என்றும் ஒரு செய்தி அடிபடுகிறது..இதை மெய்பிக்கும் வகையில் கடந்த வாரம் இரண்டு ரோ அதிகாரிகள் நாடுகடத்த பட்டதாக இலங்கை அரசு கூறியது..ஆனல் இங்கு நடந்தது வேறு..இந்த புனைகதையில் மகிந்தவின் தந்திர வியாபர உள்நோக்கம் அடங்கியிருப்பதை சற்று சிந்தித்தால் அறிந்து கொள்ளலாம்..

பிராந்திய ஆதிக்கத்திற்காக இந்தியாவும் சீனாவும் அடித்துகொள்வது உலகறிந்த விடயம்..இந்த ஆதிக்க போட்டியில் இலங்கையை பகடை காயாக பயன்படுத்த இரண்டு நாடுகளுமே முண்டியடிக்கின்றன..இதை அறிந்த மஹிந்த இந்தியாவையும் சீனாவையும் பயன்படுத்தி தனது கல்லாவை நிரப்ப பார்கிறார்..ஏற்கனவே பகையுடன் இருக்கும் சீனாவையும் இந்தியாவும் மோத விட்டு வேடிக்கை பார்க்கலாம் என்ற எண்ணத்தில் தான் இந்த வெடிப்பு சம்பவத்தில் ரோவை இணைக்கும் முயற்சி..அதற்கு முன்னேற்பாடாக தான் ரோ உளவாளிகள் நாடு கடத்தல் என்று ஒரு செய்தியை வெளியிட்டது இலங்கை அரசாங்கம்..அந்த சூட்டோடு சூடாக இந்த வெடிப்பு சம்பவத்தை நிகழ்த்திவிட்டு பழியை "ரோ" மேல் போடநினைகிறது மஹிந்த அரசு...சீன அரசின் ஒரு கட்டுமான திட்டத்திலேயே இந்த வெடிப்பு சம்பவம் நிகழ்ந்திருக்கிறது..இதை இந்திய உளவு பிரிவு தான் செய்தது என்று கூறினால் உலகம் நம்பிவிடும் என்பதே மகிந்தவின் கணிப்பு... ஊர் இரண்டுபட்டால் கூத்தாடிக்கு கொண்டாட்டம் என்பது போல் இந்தியம் சீனாவும் மோதிக்கொண்டால் அவர்கள் ஏட்டிக்கு போட்டியாக தனக்கு உதவி செய்வார்கள் என்பதே இலங்கை அரசின் திட்டம்..

அடுத்து வரப்போவது தான் மகிந்தவின் நாடகத்தின் உச்ச கட்டம்...அதாவது ஊடகங்களில் அரசல் புரசலாக ஒரு செய்தி பரவி வருகிறது...அதுதான் பிரித்தானியாவில் பரவி வரும் குறுஞ்செய்தி(SMS)..அப்படி என்னதான் உள்ளது அந்த செய்தியில்?"புலிகளின் முன்னால் தளபதி ராம் வெற்றிகரமாக இந்த தாக்குதலை நடத்தியுள்ளாரம்..." முதலில் யார் இந்த ராம் என்பதை புரிந்து கொள்ள வேண்டும்..யுத்தம் முடிவடைந்த பின்பு இலங்கையின் கிழக்கு பகுதில் மறைந்துள்ளதாக நம்பப்பட்ட ராம் அரசின் கைக்கூலியாக மாறியது கடந்த வருடம் மாவீரர் தின உரையின் போது வெளிப்பட்டது..விடுதலை புலிகளின் அடுத்த தலைவர் ராம் எனும் மாயையை ஏற்படுத்த முயன்ற மகிந்தவின் முயற்சி புலம் பெயர் தமிழர்களால் முறிய்யடிக்கபட்டது..அதன் பின்பு காணமல் போன ராமை தூசி தட்டி திரும்பவும் உயிர்பிக்க முயல்கிறார் மஹிந்த..இதன் ஓர் அங்கமாக ராம் தான் இந்த தாக்குதலை நடத்தியதாக ஒரு வதந்தியை பிரித்தானியாவில் இருக்கும் தனது கைகூலிகள் மூலம் பரப்ப முயல்கிறது சிங்கள இனவெறி அரசு..இதன் மூலம் தமிழர்களை குழப்பி,மகிந்தவை கூண்டில் ஏற்றும் நிலைப்பாட்டில் உறுதியாக இருக்கும் புலம்பெயர் தமிழர்களை திசை திருப்பும் தந்திரமே இந்த குறுஞ்செய்தி(SMS)முயற்சி..

புலிகள் இன்னமும் உயிர்ப்புடன் தான் இருக்கிறார்கள் எனும் மாயையை உலகத்திற்கு ஏற்படுத்தி மேலும் தமிழர் மீதான அடக்குமுறையை கொண்டுசெல்வதற்கான ஒரு முயற்சியை தான் மஹிந்த கரடியனாற்றில் செய்திருக்கிறார்... மகிந்த விரித்த வலையில் விழாமல் புலம்பெயர் தமிழர்கள் இலங்கை அரசுக்கு எதிரான போராட்டங்களை மேலும் உறுதியுடன் முன்னெடுக்க வேண்டும்...

21ம் நூற்றாண்டில் நாம்....

2010-09-16T23:34:00.004-04:00

மின்னஞ்சலில் வந்த சிரிக்கவும் சிந்திக்கவும் வைக்கும் ஒரு கவிதை..

21ம் நூற்றாண்டில்...

எமது தொலைதொடர்பு- wireless
எமது ஆடை- Topless
எமது தொலைபேசி- Cordless

எமது சமையல்- Fireless
எமது இளையோர்- Jobless

எமது உணவு- Fatless

எமது உழைப்பு- Effortless

எமது நடத்தை- Worthless

எமது உறவு- Loveless

எமது சிந்தனை- Careless

எமது உணர்வு- Heartless

எமது அரசியல்- Shameless

எமது கல்வி- Valueless

எமது தவறு- Countless
எமது வாதம்- Baseless
எமது முதலாளி- Brainless
எமது தொழில்- Thankless
எமது சம்பளம்- Veryless

இயற்கையில் உள்ள மனித முகங்கள்...

2010-09-16T09:02:00.000-04:00

இது நிஜமா இல்லை போட்டோ ஷோப்பா?...

ஆட்டமா தேரோட்டமா....

2010-09-15T23:58:00.005-04:00

சூதாட்ட சர்ச்சையில் சிக்கி தவிக்கும் பாகிஸ்தான் வீரர் சல்மான் பட் "ஆட்டமா தேரோட்டமா" என்ற பாடலை இப்போது பாடினால் எப்படி இருக்கும் என்று ஒரு சிறிய உல்டா பாடல்....ஒரிஜினல் பாட்டின் சந்தத்திலேயே இந்த பாட்டையும் படிக்கவும்...

ஆட்டமா மட்டை ஆட்டமா..நோட்டமா சூதாட்டமா..

வெகுநாளாக பணத்தைத்தான் எண்ணித்தான் பண்ணி நான்
ஆடுறன்..வலை போடுறேன்
தேடுறேன்...டீலரை தேடுறேன்....
ஏ..சலீம் மாலிக் வக்கார் தான்..
அடுத்து இந்த சல்மான் தான்..
வக்கார் சலீம் மாலிக் தான்...
அடுத்து இந்த சல்மான் தான்...ஹோய்..

(ஆட்டமா)

தேறாத கேப்டனாக நானும் இங்கே மாறி..
ஆடாத சூதாட்டம் எனக்காக ஆடி..
யாருக்கும் புரியாத நான் ஒரு கேடி...
அம்மாடி வளைத்தேனே தரகர்களை தேடி ...
ஐ.சி.சி ஆப்படிக்குது-என் ராசாவே
ஊரெல்லாம் என் பெயர் நாறுது..
பேராசை நெஞ்சை தொட்டது-டீலர் என்னை தேட
ஸ்பாட் பிக்சிங் கையை சுட்டது..
மன்னிப்பும் துள்ளி துள்ளி என்னைத்தேடி வாராதோ..
பஞ்சரான என்கேரியரை மெல்ல தூக்கி நிறுத்தாதோ...
பண்ணியின் எண்ணம் முழுவதும் வன்மம்..வா வா வா...

(ஆட்டமா)

யாருக்கும் தெரியாமல் நான் போட்ட முடிச்சு
மீடியா வந்து படம்பிடித்து எல்லாமே ஆப்பு..
டீம் தன்னில் இடம் தேடி நூலாக இளைச்சு
புக்கி செல்லும் தடம் பார்த்து வலை போட்டு வளைச்சு
கை நீட்டி காசு வாங்கவா... அட கோச்சுக்கு என்
கையாலே ஆப்பு வைக்கவா..
நோ பால்தான் போடச்சொல்லவா... அட நல்ல கிரிகெட்டை
மறந்து செல்லவா..
சூதாட்டம் மெல்ல செய்து கிரிகெட்டை சிதைப்போமா..
கேரியரை தொலைத்து விட்டு உக்கார்ந்து அழுவோமா...
பண்ணியின் எண்ணம் முழுவதும் வன்மம்..வா வா வா...

(ஆட்டமா)

.

மாஜிக்...நம்பினால் நம்புங்கள்...

2010-09-14T23:26:00.001-04:00

மேஜிக் என்றவுடன் நம் எல்லோருக்கும் நினைவில் வருவது கலர் கலராக நூல் விடுவது,தொப்பிக்குள் இருந்து முயல் எடுப்பது,ஆட்களை பாதியாக வெட்டுவது போன்றவை ஆகும்...கீழே காணும் வீடியோக்கள் extreme வகையை சேர்ந்தவை...இந்த மாஜிக்கை செய்பவருக்கு ஒன்று இறைவன் அருள் இருக்கவேண்டும் இல்லை சாத்தன் துணை இருக்கவேண்டும்...நம்பினால் நம்புங்கள்...(எச்சரிக்கை:சில வீடியோக்கள் திகிலானவை)

வயிறு எங்கே?

சூப்பர் மேன்..

காசை எடுக்க வேறு வழி கிடைக்கவில்லையா..

இதுதான் கடல் கன்னியோ...

அய்யோ...பயமாகீது...

இரும்புகதவினூடாக பேய் தான் நடக்க முடியும்...

தண்ணீரில் மனிதன் நடக்க முடியுமா?....

ஈஅடிச்சான் காப்பி....

2010-09-13T23:32:00.011-04:00

காப்பி அடிப்பதில் சீனாவுக்கு நிகர் சீனாவேதான்...இதோ சில உதாரணங்கள்

ஸ்வர்ணலதா-ஒரு இசை குயிலின் முடிவு

2010-09-12T23:51:00.002-04:00

நடிகர் முரளியின் மரண செய்தி கொடுத்த அதிர்ச்சியிலிருந்து மக்கள் மீளமுதல் அடுத்த அதிர்ச்சியாக வந்திருக்கிறது பிரபல தமிழ் பின்னணி பாடகி ஸ்வர்ணலதாவின் மரண செய்தி.சமீபகாலமாக நுரையீரல் கோளாறால் பாதிக்கபட்டிருந்த இவர் பாடல்களை பாடுவதை தவிர்த்துவந்தார்..செப்டெம்பர் 12ம் திகதி திடீரென கடுமையாக சுகவீனமுற்ற இவர் தனியார் வைத்தியசாலையில் அனுமதிக்கப்பட்ட பின்னர் சிகிச்சை பலனின்றி உயிரிழந்தார்..இறக்கும் போது இவருக்கு வயது 37

ஸ்வர்ணலதா 1973ம் ஆண்டு கேரளா பாலக்காட்டுக்கு அருகில் உள்ள அத்திகோடு எனும் இடத்தில் சேரன்குட்டி மற்றும் கல்யாணி தம்பதிகளுக்கு மகளாக பிறந்தார்..இவரது தந்தையார் ஒரு சிறந்த ஹார்மோனிய கலைஞ்சரும் பாடகரும் ஆவார்..ஸ்வர்ணலதாவிட்கு ஹார்மோனியம் மற்றும் கிபோர்ட் என்பன வாசிக்க தெரியும்...1987ம் ஆண்டு இவர் சென்னைக்கு வசிக்க வந்தார்.. சென்னையில் எம்.எஸ் விஸ்வநாதனை சந்தித்தபோதுதான் இவரது இசை வாழ்க்கை ஆரம்பம் ஆகியது..நீதிக்கு தண்டனை எனும் படத்தில் ஜேசுதாசுடன் பாடிய சின்னஞ்சிறு கிளியே கண்ணம்மா எனும் பாடலே இவரின் முதலாவது பாடல் ஆகும்..

இவரின் பிரபல பாடல்கள் இசை புயல் ரஹ்மான் மற்றும் இசைஞானி இளையராஜாவின் இசையிலேலே உருவாகின..மேலும் இவர் கன்னடம்,தெலுங்கு,மலையாளம்,ஹிந்தி மற்றும் உருது போன்ற மொழிகளிலும் பாடல்களை பாடியிருந்தார்..மேலும் 1991ம் ஆண்டு இவர் சின்னதம்பி படத்தில் பாடிய போவோமா ஊர்கோலம் என்ற பாடலுக்கு தமிழக அரசின் சிறந்த பின்னணி பாடகி விருது கிடைத்தது..பின்பு 1994ம் ஆண்டு கருத்தம்மா படத்தில் பாடிய போறாளே பொன்னுதாயி என்ற பாடலுக்கு தமிழக மற்றும் தேசிய சிறந்த பின்னணி பாடகி விருது இவருக்கு கிடைத்தது... இதே ஆண்டில் தான் இவருக்கு கலைமாமணி விருதும் கிடைத்தது. இதே ஆண்டில் தான் இவருக்கு கலைமாமணி விருதும் கிடைத்தது
எவனோ ஒருவன் வாசிக்கிறான்,குச்சி குச்சி ராக்கம்மா,போவோமா ஊர்கோலம்,ஆட்டமா தேரோட்டமா,சொல்லிவிடு வெள்ளிநிலவே,மலை கோவில் வாசலில் போன்ற இவர் பாடிய பாடல்கள் இன்றும் செம ஹிட்...இந்த இசைக்குயிலின் பயணம் இவளவு சீக்கிரம் முடிவடைந்தமை தமிழ் சினிமாவுக்கும்,ரசிகர்களுக்கும் பேரிழப்பாகும்.

கனடாவில் திருடப்பட்ட தமிழர் தகவல்கள்....

2010-09-12T22:06:00.001-04:00

அண்மையில் கனடாவுக்கு சன் சி கப்பலில் வந்த 500தமிழ் அகதிகளின் விபரங்கள் அடங்கிய மடிக்கணணி திருட்டு போய் உள்ளதாக கனடிய தமிழ் காங்கிரசின் டேவிட் பூபாலபிள்ளை தெரிவுத்துள்ளார்..தமிழ் அகதிகளுக்கு உதவிகளை வழங்கி வந்த அமைப்பு ஒன்றின் டொரோண்டோ அலுவலகத்தில் இருந்து சனிக்கிழமை இரவு இந்த திருட்டு நடைபெற்றதாக கூறபடுகிறது..அகதிகளின் பெயர் விபரங்களை வெளியிட கனடிய குடிவரவு துறை தடை விதித்துள்ள நிலையில் இந்த திருட்டு சம்பவம் நடைபெற்றுள்ளது... பெறுமதிவாய்ந்த பொருட்கள் பல இருந்த வேளையில் இந்த மடிகணணி மட்டும் திருட்டு போனது ஒரு திட்டமிட்ட செயல் என்ன பூபாலபிள்ளை தெரிவித்துள்ளார்...அலுவலகத்தில் திருட்டு சம்பவம் நடைபெற்றுள்ளதை டொரோண்டோ பொலிசார் உறுதிபடுத்தியுள்ளனர்.. மேலும் இந்த திருட்டால் தாம் பெரிதும் கவலை அடைந்திருப்பதாகவும் இலங்கையில் உள்ள அகதிகளின் உறவினர்களை தொடர்புகொண்டு இது பற்றி தெரிவிக்க இருப்பதாகவும் பூபாலபிள்ளை தெரிவித்தார்.

Source:www.yahoo.ca

பேர்ல் ஹார்பர்..

2010-09-12T00:10:00.017-04:00

2ம் உலக போரில் அமெரிக்காவை குதிக்க செய்த நிகழ்வு தான் பேர்ல் துறைமுகத்தின் மீதான ஜப்பானின் தாக்குதல்..டிசம்பர் 7ம் திகதி 1941ம் ஆண்டு ஜப்பானால் நடத்தப்பட இந்த தாக்குதலே உலகின் முதலாவது தற்கொலை தாக்குதலாகும்..கமகாசி எனப்படும் ஜப்பானிய தற்கொலை படை பைலட்கள் நடத்திய இந்த தாக்குதலின் சில அரிய படங்கள் இதோ...

மருத்துவம்...சில டிப்ஸ்...

2010-09-10T23:41:00.004-04:00

1.த‌யி‌ர்தா‌ன் ‌சிற‌ந்த மரு‌ந்து

மலச்சிக்கல் மற்றும் வயிற்றுப்போக்கு போன்றவற்றிற்கும் தயிர்தான் சிறந்த மருந்து.

உணவை ஜீரணிக்க தயிர் உதவுவதோடு மட்டுமல்லாமல் வயிற்றின் வாயுத்தொல்லையிலிருந்தும் விடுவிக்கிறது.

குடலில் சதை வளரும் `அப்பண்டிசைடிஸ்' மற்றும் வயிற்றுப் போக்கு போன்றவற்றிற்கு காரணமாக இருக்கும் கிருமிகள் தயிர், மோர் இவற்றில் உள்ள லேக்டிக் அமிலத்தால் விரட்டியக்கப்படும்.

ஒரு கை நிறைய தயிரை எடுத்து தலையில் நன்றாக தேய்த்தால் தூக்கம் நன்றாக வரும்.

2.வாழை‌ப்பழ‌ம் சா‌ப்‌பி‌ட்டா‌ல்

வாழைப்பழத்தில் ஏராளமான ஊட்டச் சத்துக்கள் நிறைந்து இரு‌க்‌கி‌ன்றன. ம‌ற்ற பழ‌ங்களை ‌விட பல ந‌ல்ல குண‌ங்களையு‌ம் வாழை‌ப் பழ‌ம் பெ‌ற்று‌ள்ளது.

அதும‌‌ட்டு‌ம் அ‌ல்லாம‌ல் பல நோய்களை வராமல் தடுக்கக் கூடிய ஆற்றலையும் வாழைப்பழம் பெற்றுள்ளது. ஒவ்வொருவரும் தினமும் ஒரு வாழைப்பழமாவது சாப்பிடுவது மிகவும் நல்லது.

அதனால்தான் பழங்காலத்தில் எந்த விசேஷமாக இருந்தாலும் வெற்றிலையுடன் வாழைப்பழத்தையும் இணைத்து கொடுத்தனர்.

மலச்சிக்கல், குடல் பிரச்சினை, மனத் தளர்ச்சி ஆகியவற்றை நீக்கும் தன்மை உடையது வாழை‌ப்பழ‌ம். வாழைப்பழத்துடன் பால் சேர்த்து மில்க்ஷேக் சாப்பிட்டால் உடல் சோம்பல் ஓடிவிடும்.

புகைப்பழக்கத்தை விடமுடியாமல் தவிப்பவர்கள், வாழைப்பழத்தை அடிக்கடி சாப்பிட்டு வந்தால் புகைக்கும் எண்ணம் கொஞ்சம் கொஞ்சமாக மறைந்து விடும்.

3.மார்பகப் புற்றுநோயைத் தடுக்கும் ஆலிவ் எண்ணெய்

தூய்மையான ஆலிவ் எண்ணெயில் காணப்படும் பாலிஃபீனால், மார்பகப் புற்றுநோயை வராமல் தடுப்பதுடன், மார்பகப் புற்றுநோய் இருப்பவர்களுக்கு குணப்படுத்துவதற்கும் உதவும் என்று கண்டறியப்பட்டுள்ளது.

இந்த பாலிஃபீனால் மார்பகப் புற்றுநோய் செல்களை அழிக்கும் தன்மை கொண்டதாக உள்ளது என்று கண்டறியப்பட்டுள்ளது.

ஸ்பெயின் நாட்டின் ஐசிஓ அமைப்பும், கிரனடா பல்கலைக்கழகமும் இணைந்து நடத்திய ஆய்வு முடிவு இதனைத் தெரிவித்துள்ளது.

ஆலிவ் எண்ணெயில் இருந்து பிரித்து வடிகட்டப்பட்டு, பின்னர் திடப் பொருளாக்கப்பட்டதைக் கொண்டு நடத்திய ஆய்வில், மார்பகப் புற்றுநோயை தடுக்கும் ஆற்றம் இருப்பது தெரிய வந்துள்ளது.

எனவே மார்பகப் புற்றுநோய் வராமல் இருக்கவும், அந்நோய் உள்ளவர்கள் அதில் இருந்து நிவாரணம் பெறவும், ஆலிவ் எண்ணெயை உபயோகிக்கலாம்.

4.கா‌ய்க‌றிகளு‌‌ம் அத‌ன் மக‌த்துவமு‌ம்

கா‌ய்க‌றிக‌ளிலு‌ம், ‌கீரை வகைகள‌ிலு‌ம் ம‌னித உடலு‌க்கு‌த் தேவையான ஏராளமான ச‌த்து‌க்க‌ள் அட‌ங்‌கி‌யிரு‌ப்பது அனைவரு‌ம் அ‌றி‌ந்ததே. அதனா‌ல்தா‌ன் எ‌ந்த மரு‌த்துவ‌ரிட‌ம் செ‌ன்றாலு‌ம், அ‌திகமாக கா‌ய்க‌றியு‌ம், ‌கீரையு‌ம் சா‌ப்‌பிட வே‌ண்டு‌ம் எ‌ன்று அ‌றிவுறு‌த்து‌கிறா‌ர்க‌ள்.

எ‌ந்த எ‌ந்த கா‌ய்க‌றிக‌ளி‌ல் எ‌ன்னெ‌ன்ன ச‌த்து‌க்க‌ள் அட‌ங்‌கி‌யிரு‌க்‌கி‌ன்றன, அ‌தி‌ல் எ‌ன்ன மு‌க்‌கிய‌த்துவ‌ம் எ‌ன்பதை இ‌ங்கு பா‌ர்‌க்கலா‌ம்.

நா‌ம் கா‌ய்க‌றி கடை‌யி‌ல் சாதாரணமாக வா‌ங்கு‌ம் வெ‌ண்டை‌க்கா‌ய் ‌மிக‌ச் ‌சிற‌ந்த மரு‌த்துவ‌ப் பொரு‌ள் எ‌ன்பது பலரு‌‌‌ம் அற‌வி‌தி‌ல்லை. அதாவது வெ‌ண்ணடை‌க்கா‌ய் குளிர்ச்சியான தன்மை கொண்டது. வெ‌ண்டை‌க்காயை சமை‌க்காமலு‌ம் சா‌ப்‌பிடலா‌ம். வெ‌ண்டை‌க்கா‌யி‌ல் ‌பி ம‌ற்று‌ம் ‌சி ‌ச‌த்து‌க்களு‌ம், உ‌யி‌ர்‌ச்ச‌த்து‌க்களு‌ம் இரு‌க்‌கி‌ன்றன.

இதனை சமை‌க்கு‌ம் போது சீரகம் சேர்த்து சமைப்பது நல்லது. இது வறண்ட குடலைப் பதப்படுத்தும். இதை அடிக்கடி உட்கொண்டு வந்தால் சிறுநீர் பெருகும். நாட்பட்ட கழிச்சல் நீங்கும். உட‌‌ல் சூ‌ட்டா‌ல் அவ‌தி‌ப்படுபவ‌ர்களு‌க்கு வெ‌ண்டை‌க்கா‌ய் ந‌ல்ல மரு‌ந்தாகு‌ம். உஷ்ண இருமலைக் குணமாக்கும். நல்ல வெண்டைப் பிஞ்சுகள் இரண்டொன்றை பச்சையாகவே தினந்தோறும் வெறும் வயிற்றில் உண்டு வந்தால், மருந்து மாத்திரை இல்லாமலேயே விந்து ஒழுக்கம் சரியாகிவிடும். வாய்வுத் தொல்லை உள்ளவர்கள் ம‌ட்டு‌ம் வெ‌ண்டை‌க்காயை குறைவாக உ‌‌ண்பது ந‌ல்லது.

கத்தரிக்காய் : இதில் பல வண்ணங்கள் உண்டு என்றாலும், அனைத்திலும் உள்ள சத்து ஒன்றுதான். சுவை‌யி‌ல் ம‌ட்டுமே க‌த்‌தி‌ரி‌க்கா‌யி‌ல் மா‌ற்ற‌ம் உ‌ண்டு. பிஞ்சு கத்தரிக்காய் சமைப்பதற்கு நல்லது. இதில் தசைக்கும், ரத்தத்திற்கும் ஊட்டம் தருகிற வைட்டமின்கள் சிறிதளவு உள்ளன. இதனால் வாய்வு, பித்தம், கபம் பிரச்சினைகள் விலகும். அதனால் தான் பத்தியத்துக்கும் இந்த காயைப் பயன்படுத்து‌கிறா‌ர்க‌ள். அம்மை நோயால் பாதிக்கப்படுபவர்களு‌க்கு க‌த்‌தி‌ரி‌க்கா‌ய் ந‌ல்லது. ‌அம்மை நோ‌ய் வராம‌ல் தடு‌க்கு‌ம் ஆ‌ற்றலு‌ம் க‌த்‌தி‌ரி‌க்கா‌ய்‌க்கு உ‌ண்டு.

முற்றிய கத்தரிக்காய் அதிகம் சாப்பிட்டால் சொறி சிரங்கைக் கொண்டு வந்துவிடும். அ‌தி‌ல்லாம‌ல் ஏ‌ற்கனவே சரும ‌வியா‌தி இரு‌ப்பவ‌ர்க‌ள் க‌த்‌தி‌ரி‌க்காயை உ‌ண்பதா‌ல் ‌வியா‌தி அ‌திக‌ரி‌க்கு‌ம். நமை‌ச்ச‌ல் உ‌ண்டாகு‌ம்.

மு‌‌ள்ள‌ங்‌கி : வே‌ர்‌ப்பகு‌தி‌யி‌‌ல் உருவாகு‌ம் கா‌ய் மு‌ள்ள‌ங்‌கியாகு‌ம். மு‌ள்ள‌ங்‌கி‌யி‌ல் ஏ ச‌த்து அ‌திக‌ம் இரு‌ப்பதா‌ல் க‌ண் பா‌ர்வை‌க்கு அ‌திக‌ம் உதவு‌கிறது. இ‌தி‌ல் சோடிய‌ம் ம‌ற்று‌ம் குளோ‌ரி‌ன் இரு‌ப்பதா‌ல் மல‌ச்‌சி‌க்கலை குண‌ப்படு‌த்து‌ம். வ‌யி‌ற்று எ‌ரி‌ச்ச‌ல், பு‌ளியே‌ப்ப‌ம் போ‌ன்ற உபாதைக‌ள் வராம‌ல் தடு‌‌க்கு‌ம் ஆ‌ற்ற‌ல் மு‌ள்ள‌ங்‌கி‌க்கு உ‌ண்டு. ‌தீ‌ப்பு‌‌ண்களு‌க்கு‌ம் மு‌ள்ள‌ங்‌கி‌ச் சாறு மரு‌ந்தாக‌ப் பய‌ன்படு‌ம். மேலு‌ம் மு‌‌ள்ள‌ங்‌கி‌யி‌‌ல் கா‌ல்‌ஷ‌ிய‌ம், மா‌ங்க‌னீ‌ஸ் கல‌‌ந்து‌ள்ளதா‌ல் பெ‌ண்களு‌க்கு ‌மிகவு‌ம் ந‌ல்லது. அடி‌க்கடி கரு‌ச்‌சிதைவு ஏ‌ற்படுபவ‌ர்க‌ள், மு‌ள்ள‌ங்‌கி‌ச் சா‌ற்‌றி‌ல் க‌ற்‌க‌ண்டு கல‌ந்து குடி‌த்து வ‌ந்தா‌ல் கரு ‌நிலை‌க்கு‌ம்.

அவரைக்காய் : கொடி‌யி‌ல் கா‌ய்‌க்‌கு‌ம் கா‌யி‌ல் அவரை‌க்கா‌ய்‌க்கு முத‌லிட‌ம் உ‌ண்டு. இதிலும் பல வகைகள் உண்டு. வெள்ளை அவரைப் பிஞ்சை, நோயாளிகள் உண்ணும் காலத்தில் பத்திய உணவாக உண்ணலாம். இதை சமைத்து உண்டால் உடலை வலுவாக்கும். காம உணர்ச்சியைப் பெருக்கும். சூடான தேகம் கொண்டவர்களுக்கு இது மிகவும் நல்லது. ரத்த அழுத்தம் உள்ளவர்களும் இதை சாப்பிடலாம்.

புடலங்காய் : நீர்ச்சத்து அதிகம் கொண்ட காய் இது. மே‌லு‌ம், உடலு‌க்கு அ‌திக கு‌ளி‌ர்‌ச்‌சியை ஏ‌ற்படு‌த்து‌ம். சூடான தேகம் கொண்டவர்கள் இதை அதிக அளவில் உணவில் எடுத்துக்கொள்வது நல்லது. தொடர்ந்து புடலங்காய் சாப்பிட்டு வந்தால் தேகம் செழிப்பாகும். இது எளிதில் ஜீரணமாகி நல்ல பசியை உண்டாக்கும். வாதம், பித்தம், கபம் பிரச்சினைகளால் ஏற்படும் திரிதோஷத்தைப் போக்கும் சக்தி இதற்கு உண்டு. வயிற்றுப் பொருமல், வயிற்றுப் பூச்சி பிரச்சினைக்கும் இது நல்லது. தொடர்ந்து இதை உண்டு வந்தால் காமத்தன்மை பெருகும்.

பீ‌ட்ரூ‌ட் : ‌பீ‌ட்ரூ‌ட் எ‌ன்றது‌ம் எ‌ல்லோருமே சொ‌ல்‌லி‌விடுவா‌ர்க‌ள், இது ர‌த்த ‌விரு‌த்‌தி‌க்கு உதவு‌ம் எ‌ன்று, அது ம‌ட்டும‌ல்ல ‌பீட்ரூட்டில் 87.7% நீர்ச்சத்தும், 1.7% புரதச்சத்தும், 0.1% கொழுப்புச் சத்தும், 0.8% தாது உ‌ப்புக்களும், 0.9% நார்ச்சத்தும், 8.8% மாவுச்சத்தும் அடங்கியுள்ளன. மேலும் சுண்ணாம்பு, மக்னீசியம், இரும்பு, சோடியம், பொட்டாசியம், தாமிரம், கந்தகம், குளோரின் போன்ற உலோக சத்துகளும், வைட்டமின் சி, தயாமின், ரைபோபிளேவின் போன்றவையும் உள்ளன. பீட்ரூட் கீரையில் வைட்டமின் ஏ அதிகமாக உள்ளது.

கொத்தவரக்காய் : இது சிறுநீரைப் பெருக்கும். தேக சூட்டை அதிகரிக்கும் குணம் இதற்கு உண்டு என்பதால் இதை அளவோடு எடுத்துக்கொள்வதுதான் நல்லது. அதனால் இது பத்தியத்திற்கு உதவாது. இதன் கெட்ட குணங்களைப் போக்க இத்துடன் தேங்காய், பருப்பு, இஞ்சி, சீரகம் ஆகியவற்றைச் சேர்த்து சமைக்க வேண்டும்.

சுரைக்காய் : இது உடல் சூட்டைத் தணிக்கக்கூடியது. சிறுநீரைப் பெருக்குதல், உடலை வலிமையாக்குதல், தாகத்தை அடக்குதல் போன்றவற்றிலும் உதவுகிறது. ஆனால் இது பித்த வாயுவை உண்டு பண்ணும். இதன் விதைகள் வீரிய விருத்தியை ஏற்படுத்தும்

Source:www.pathivu.com

வெளிநாடுகளில் உள்ள இந்துகோயில்கள்

2010-09-09T23:31:00.019-04:00

அந்நியதேசத்தில் உள்ள அழகிய இந்துகோயில்கள் சில... மின்னஞ்சலில் சிக்கிய படங்கள்

நடிகர் முரளி.....ஒரு பார்வை...

2010-09-08T23:02:00.009-04:00

வைகாசி மாதம் பத்தொன்பதாம் திகதி 1964 ம் ஆண்டு கன்னட இயக்குனரான சித்தலிங்கையாவுக்கு மகனாக பிறந்த இவர் தமிழ் சினிமாவின் மறக்கமுடியாத கதாநாயகர்களில் ஒருவர்..1984ம் ஆண்டு தன்னுடைய இருபதாவது வயதில் பூவிலங்கு என்னும் படத்தில் தமிழில் கதாநாயகனாக அறிமுகமானார்..குயிலியுடன் அவர் இந்த படத்தில் பாடிய ஆத்தாடி பாவாடை காத்தாட என்ற பாடல் இன்றும் பட்டி தொட்டி எங்கும் பிரபலம்...அடுத்து 1985ம் ஆண்டு பிரபல இயக்குனர் மணிரத்னத்தின் இயக்கத்தில் வெளிவந்த பகல் நிலவு என்னும் படத்தில் கதாநாயகனாக நடித்தார்..ரேவதி மற்றும் பலர் நடித்த இந்த படம் அந்த காலத்தில் பெரிய ஹிட் ஆனது..முரளியின் சினிமா வாழ்கையில் முக்கிய மைல்கல்லாக இந்த படம் அமைந்தது...

இவரது சினிமா கேரியரிலேயே மெகா ஹிட்டாக அமைந்த படம் என்றால் அது இதயம் தான்..கதிரின் இயக்கத்தில் முரளி மற்றும் ஹீரா நடித்து 1991ம் அண்டு வெளிவந்த இந்த படம் தமிழ் சினிமாவின் அடையாளங்களில் ஒன்றாக இன்றும் நோக்கபடுகிறது..சிலருக்கு இதயம் முரளி என்றால் தான் இவரை தெரியும்..இன்றும் கூட காதலை சொல்ல தயங்குவோரை "என்ன இதயம் முரளி போல இருக்கிறாய்" என்று கிண்டல் செய்வது உண்டு...அந்த அளவிற்கு அவரின் கேரக்டர் ஒரு வாழ்வியல் தாக்கத்தை மக்கள் மத்தியில் உண்டு பண்ணியிருக்கிறது..

விஜயகாந்த்,பிரபு,சத்யராஜ்,பிரபுதேவா,சூர்யா,சரத்குமார்,சிவாஜி கணேஷன் போன்ற பிரபல நடிகர்களுடனும்,சிம்ரன்,ரோஜா,லைலா,தேவயாணி மற்றும் ரம்பா போன்ற பிரபல நடிகைகளுடனும் இவர் சேர்ந்துநடித்துள்ளார்..1997ம்ஆண்டு சேரனின் இயக்கத்தில் இவர்
நடித்து வெளிவந்த பொற்காலம் மிகப்பெரிய வெற்றி பெற்றது...தமிழ் சினிமாவில் வெற்றிக்கு சமமான தோல்வி படங்கள் கொடுத்த நடிகர்களில் இவரும் ஒருவர்..விரசங்கள் அற்ற குடும்பத்துடன் பார்க்ககூடிய படங்களில் நடிகர் முரளியின் படங்களும் அடங்கும்..

மேலும் இவர் நடித்த புதுவசந்தம்,காலமெல்லாம் காதல் வாழ்க,உன்னுடன்,வெற்றி கொடி கட்டு,சுந்தரா டிராவல்ஸ்,ஆனந்தம் போன்ற படங்கள் மக்கள் மத்தியில் நல்ல வரவேற்பு பெற்றன.கடல் பூக்கள் என்ற படத்தில் நடித்ததற்காக தமிழக அரசின் சிறந்த நடிகர் விருது இவருக்கு கிடைத்தது.கிசுகிசுக்களில் பெரிதும் சிக்காத இவர் தமிழ் சினிமாவின் பன்ச் டயலாக் பேசாத நடிகர்களில் ஒருவராவர்.முரளிக்கு ஷோபா என்ற மனைவியும்,அதர்வா,ஆகா‌ஷ்‌ என்‌ற இரு மகன்களும், காவ்யா என்ற ஒரு மகளும் உள்ளனர்.அதர்வா சமீபத்தில் தான் “பாணா காத்தாடி” என்ற படத்தில் கதாநாயகனாக அறிமுகமானார்..இந்த படத்தில் முரளியும் கவுரவ வேடத்தில் நடித்திருந்தார்..இறக்கும் போது இவருக்கு வயது 46.
இவரின் மரணம் தமிழ் சினிமாவுக்கும்,ரசிகர்களுக்கும் பெரிய இழப்பாகும்.

உக்காந்து ஜோசிபாங்களோ....

2010-09-07T23:05:00.017-04:00

சும்மா சிரிக்க..

பாவம் விஜய்...எப்படிஇருந்தனான்...இப்படியாயிடனே?...

உலகின் மிக நீளமான பாலங்கள்...

2010-09-07T12:17:00.014-04:00

உலகின் மிக நீளமான பத்து பாலங்கள்...

10. Yangluo Bridge, China – 1,280 m

9. Golden Gate Bridge, USA – 1,280 m

8. Verrazano Narrows Bridge, USA – 1,298 m

7. Tsing Ma Bridge, China – 1,377 m

6. Jiangyin Suspension Bridge, China – 1,385 m

5. Humber Bridge, England – 1,410 m

4. Runyang Bridge, China – 1,490 m

3. Great Belt Bridge, Denmark – 1,624 m

2. Xihoumen Bridge, China – 1,650 m

1. Akashi-Kaikyo Bridge, Japan – 1,991 m